Rumayok (11)

Rumayok (10)
Oleh Wak Amin


"JUKSIPA haguksa. Kok radu api San?" Tanyadu Daud.

"Radu. Tiyan sai masangna,' jawab du Hasan.

Daud, Roni rik Qosim tikanjot. Mak parcaya pak mouli cindo sai ma sang ban.

"San.  Lokok waras nikuyo?" Cakdu Daud, hiran bak api ngorah baibai ngamasang ban.

" Tiyan sai haga," jawabdu Hasan, maha ronik.

"Pabuhung niku. Cawa jugaya. Mak pacak kan?"

Ssssst ...

"Rokob pai," cakdu Hasan. "Liyom nyak oi iyu. Tulung dang liyomko nyak yo .."

Daud, Roni rik Qosim rokob. Ompai cawa waktu pak moulisa radu nga masang ban. Modoki Hasan, kilu usungko tas balak di bah mobil.

"Aku bae Mbak," cakdu Daud. Ga mona ngakuk tas. Mak pacak lapah bakdu punguna dikotong Roni.

"Aku bae," cawadu Roni.

"Aku bae,"cakdu Qosim.

Saling kotong pungu, pandok buba lah. Untungna si Mbak gancang nongahi ...

" Supaya adil, usit saja kalian berempat. Setuju?"

"Setuju Mbak cantiiiik ..."

Radu usit, Hasan sai monang. Bak du ya posai jari talunjuk, sai barih entik ...

"Dik, yang cepat bawanya," cakdu si Mbak. Hasan mih ngaiyuko. Pocak losu. Padohal di lom hati hanjak mak pacak nyawa kona.