Mang Kerio (4)

Mang Kerio (4)
Oleh Wak Amin





UWONG yang lewat lebak pado eran dan giling-giling palak nyelik Mang Kerio samo Cek Leha terus bese peda. Dak peduli basah galo-galo. Yang penting secepetnyo nyampe rumah Fatime.

Benar niyan. Dak sampe setengah jam, sampela lanang betinoni. Idak lagi mencet bel, langsung noktok lawang.

Tujuh kali ngetok, lawang baru di buka. Yang nongolke rai, siapo lagi kalu bukan Fatime.

"Astaghfirullah. Ngapo sampe cak  inini ..."

Tekejut ado, eran iyo. Dikatoke be ngak gektu ngamuk ...

"Kami masuk lebak taditu Buk Fa time. Jadi yo cak inila. Basah galo-galo," kato Mang Kerio, la mulak'i kedinginan.

"Kami memang sengaja nak ke rumah ibuk," uji Cek Leha," Apo kami boleh masuk?"

"La iyola pulo. Masuk, masuk. Ang gap bae rumah dewek," kato Fatime ngongkon wong duwoni duduk be silo pucuk tikar.

"Tunggu denget ye." Fatime besiget masuk kamar. Dahtu metu lagi em bawak snduk duwo ikok.

"Aku cuman ado ini bae untuk sali nan mamang samo Cek Leha."

Si kok untuk Mang Kerio, anduk warno putih, sikok lagi untuk Cek Leha, anduk warno biru.

"Terimo kasih Bu Fatime," uji Cek Leha. "Kiro-kiro dimano kami nak besalin?"

"Kamar buri bae. Payu melok aku," uji Fatime.

Kamarnyo dak pulo besak. Masuk la Cek Leha duluan. Dahtu baru Ma ng Kerui. Abistu balik lagi ke ruang tamu. Besilo.

Pakaian tadi dikeringke denget di jemuran. Fatime di dapur ngawek banyu putih anget campur gulo pasir.

Limo menitla kiro-kiro, sudah tecu guk depan Mang Kerio samo Cek Leha.

"Jadila yo Mang, Cek. Inila yang ado," kato Fatime, ngelepakke duwo ikok cangkir kecik beling pucuk ti kar.

Heeeem ..

Mang Kerio samo Cek Leha cak nak ketawo ...

"Ini namonyo banyu susu bening. Campurnyo gulo tebu asli. Cubola duken Mang, Cek. Aku yakin kamu beduwo pasti ketagihan .."

"Niyan apo Fatime?"

"Niyan Mang. Cubola duken."

Giliran Mang Kerio minum. Dahtu Cek Leha. Dak pulo banyak. Cuman kiro-kiro duwo sendokla.

Eheeem ...

"Lemak kan?"

"Iyo Bu. Lemak niyan .." uji Cek Leha.

"Makmano rasonyo! Raso susu bening kan?"

"Iyo Bu. Raso susu bening."