Mang Kerio (28)

Mang Kerio (28)
Oleh Wak Amin



5. Episode : 'Nyamar Jadi Tukang Bakso'




ENDORONG Gerobak ...

"Bakso, bakso. Pake' telok pake' daging. Makan semangkok pasti ke nyang. Idak kenyang boleh dak ba yar. Makan limo mangkok gratis semangkok .."

Gerobak terus bejalan. Giliran Cek Leha yang ngomong ...

"Ayo mamang bibik. Baksonya di beli. Murah meriah. Gratis banyu minum. Dijamin halal ..."

"Mbak .. Baksonya tunggu!" Lanang besewet bekopiah item turun dari tanggo sambil bawak piring.

"Memang halal Mbak?" Tanyo si lanang, masih ragu nak embeli apo cuman nak enjingok rai Cek Leha yang lumayan cantik.

"Iya. Semuanya asli Dik. Teloknyo bae diambek langsung dari ayam betino yang betelok."

"Waaaw. Hebat kali ya Mbak," puji si lanang, la setengah pecayo.

"Kalu dagingnyo Mbak?"

"Samo bae. Pagi kito beli di pasar. Sampe rumah langsung digaweke. Siangnyo dijajoke .."

"Waaaau .. Hebat nian kalu mak itu," kato si lanang, pecayo niyan dio sekalini.

"La iyola Dik. Bedusola kalu bejajo basing-basing. Bener dak?"

"Bener Mbak. Eeeem ngomong-ngo mong Mbak samo bapaknyoni uwo ng baru yo. Perasaan yang galak ju al baksotu uwongnyo sikok. Badan nyo rengkek udang cak uwong ku rang makan ..."

Ha ha ha ...

"Dikatoke baru iyo. Dikatoke lamo iyo jugola," kato Mang Kerio. Dak berenti dari tadi nabuh piring. Su dah diingetke Cek Leha padohal. Yang nabuh piringtu tekwan. Kalu bakso dak perlu.

"Maksud mamang?"

"Baru. Karno baru malemni kamek beduwo masuk lurung ini bejualan bakso beduwo ..."

Si lanang manggut-manggut bae.

"Dikatoke lamo pacak jugo. Karno kamek beduwo la sering lewat sini pakek motor ayam."

"Motor ayam?"

Eran si lanang. Setau dio motor be bek yang ado. Ayam lum tedenger enggut mak ini.

"Itu ponakan. Motor yang galak dipake' ibuk-ibuk komplektuna."

"Ooo yang itu," kato si lanang keta wo sambil nyingitke rainyo. "Itu bu kan motor ayam mang namonyo."

"Terus apo namonyo kalu bukan?"

"Sepeda pake' motor. Sepeda motor Mang, Mbak namonyotu" jelas si lanang.

Dulu, kato si lanang, sering pa ke' motor be-aki itu. Embonceng be tino balik ngaji. Cuman sekarang la jarang karena dak tebeli aki lagi.

Oooo cak itu ..