Mang Kerio (41)

Mang Kerio (41)
Oleh Wak Amin



PAS di pintu mobil ..

"Aku dak diajak apo Mang?" Tanyo Leha sambil muncungke mulut.

Pak Robin ketawo ngeliyatnyo.

"Dak usahla mun ujiku. Kagek ilang. Siapo yang nak enggantike kau," ka to Mang Kerio.

"Idak Mang. Cayola samo aku," uji Cek Leha ngeyakinke Mang Kerio, yang tetep dak galak ngajak Cek Leha, karno betino.

Pak Robin endeketi Mang Kerio. "Mun dio galak niyan, lajukela Ma ng. Daripado dio ngamuk. Betino kalu ngamuk lain Mang dengan lanang."

"Kalu lanang paling ngempas kersi, meja atau apo bae yang dideket nyo. Na kalu betino dio lepas baju samo celano. Telanjang bulet. Lari ke jalan dijingok uwong banyak."

Oooo ...

"Mak itu pulooo ..."

"Na, daripado mamang melok malu, ajak bae Cek Lehatu. Kalu misalnyo tejadi apo-apo tanggung jawab de wekla."

Mang Kerio manggut-manggut. "Payula kalu mak itu ..."

Belum beparak sudah diparak'i Cek Leha.

"Cakmano Mang? Oke?"

"Yo melokla ..."

Dak ngomong lagi langsung masuk jeru mobil parak Pak Robin yang di tugasi Sang Bos Jailani.

Mang Kerio cuman pacak ngurut dado bae. Sedangke Pak Robin se nyum-senyum. Diola tau, budak mu do kalu kendaknyo dikabulke lupo diri.

Singkat cerito ...

Mobil berangkat. Yang dibawak Ma ng Kerio ado tigo.

Apo bae?

Betetan alias ketapel. Beleki, anjing pelacak, samo minyak wangi.

Dah itu bae ...

Lainnyo biasola. Banyu minum sa mo ciki yang dibeli di warung ping gir jalan.

Mobil lancar-lancar bae. Ngelewati jalan protokol, masuk lurung besak, baru gang sempit betanah merah.

Sampe? Lumla. Masih ngelewati lurung lagi yang di kanan kirinyo utan galo-galo.

Kalu malem dak pacak ngomongke nyo. Gelep galo-galo. Item. Tema suk kito. Yang keliyatan cuman gigi. Itu jugo kalu mulut dingangapke.

Kalu idak? Tetetp itemla. Gelep dimano-mano ...

"Masih jauh Pak?" Tibo-tibo Cek Leha ngomong sambil bekipas pake' tangan.

"Ladeket Cek. Tenang bae," kato Pak Robin sambil ngelakson betino jalan sikil embawak sangkek rotan besak.

"Nak ngencing apo kau Ha?"

"Ai mamangni cak budak kecik bae. Akuni la besak Mang. La gadis."

"Apo hubungannyo dengan ngen cing Ha?"

"Kalu la gadis jangan ditawak'i kencing, tapi ..Dek, galak kue dak. Pasti laper kau."

Ha ha ha ...

"Ngomongke bae Ha kalu laper. Dak usah banyak igo gaya ..."