Mang Kerio (53)

Mang Kerio (53)
Oleh Wak Amin




9. Episode : 'Cinta Ditolak Dukun Betindak.'


DI bawah pohon jambu ...

Tengah hari ...

"Dek. Akutu niyan-niyan la Dek. Ka kak cinto niyan samo kau," rayu Sof yan sambil nyekel tangan Fitri.

Fitri lambat-lambat ngelepaske cekelan Sofyan.

"Maaf Kak. Aku lum galak serius," ujo Fitri, idak main-main.

"Ngapo cak itu Dek?"

"Aku masih nak nikmati masa mudo aku. Itu bae."

"Terus ..?"

"Yo untuk sekarang aku lum galak serius samo kakak. Sebab kalu se rius ujung-ujungnyo kan beting kik'an."

"Betingkik'an maksud kautu apo Dek?"

"Kawin. Bener dak?"

He he he ...

"Lajelasla Dek. Kalu dak kesano yo percuma bae kito pacaran," kato Sofyan.

"Na, yang itula aku lum galak Kak Sofyan."

Sofyan ngatur nafas denget ...

" Kalu boleh kakak tau, ngapola kau cak itu?"

Fitriani embabit batu kecik ke ten gah sungai. Karno dak kuat emba bitkenyo cuman sampe pinggiran sungai bae.

Salah babit. Bukannyo nyampak ke sungai, malah keno palak wong mi sing. Untung dak marah dionyo.

Maklum la tuwo ...

"Aku lum galak jadi emak budak. Ka lu kito kawin kan, aku yang saro. Awak yang lemak. Cubo Kak Sof yan pikirke .. Nak masak, aku. Ne tek budak aku. Nyuci aku. Pokok nyo aku galo. Sedangke kakak cu man begawe bae taunyo. Pegi pagi balik malem. Lesu, langsung tiduk. Na aku. Pagi nyiapke sarapan untuk kakak. Malemnyo dak setiduk'an ne tekke budak samo enggendongnyo supayo dak rewel."

"Itu kan biso diatur. Kito bagi tugas kan beres," ujo Sofyan. Segalo ma salah dak usah dibuat gelisah.

"Apo kakak galak netek budak?"

Ha ha ha ..

"Dak pacakla. Netek kan tugas betino."

"Nyuci di sungi?"

"Dak pacakla. Kakak kan begawe. Kalu nyuci kapan kakak begawe?"

"Kato kakak tadi biso diatur."

"Yo diaturnyo dikit-dikitla. Misalnyo tengah malem. Budak tebangun. Ngeyak-ngeyak .. Aku jadi ngasuhnyo."

"Kalu kakak idak tebangun?"

"Yo balik bandarla .."

He he he ...

"Itu namonyo lemak di kakak dak le mak di aku ..."

Fitriani ngajak balek ...

Dak katik gunonyo ngomong samo lanang tekak. Ecak-ecak keiyoan ni yan, taunyo nak lemak dewek.

La pisit banyak kendak pulo ..