Mang Kerio (64)

Mang Kerio (64)
Oleh Wak Amin





DI depan lawang ...

"Na payu Li. Aku berejo balik baela," uji Mang Harun, la besiyap nak be sepatu.

"Jadi bener kau dakdo nak ngejer betinotu?" Mang Jali masih ragu. Takutnyo si konconi lain di mulut lain pulo di jeru ati.

Idak nyari betunotu, la sampe kan tor, ngongkon anak buah kelayapan 'nangkep' su betinotu.

Bener dak lur?

Itu retinyo samo bae bo'oong ...

"Run ..!"

Mang Harun noleh.

"Akutu kesiyan sebenernyo enjingok kautu."

Mang Harun tekejut campur  heran. Soalnyo, selamoni lum pernah ende nger langsung omongan, entah dari kawan kerjo, atau siapola, kesiyan samo dio.

"Apo kau dak katik rencano nak kawin Run?"

Mang Harun senyum bae ..

"Niat dan rencano ado Li. Tapi lum setuluk'an bae ..."

Ha ha ha ...

"Makmano kalu ..?"

Lum abis ngomong metula Maimu nah samo Bik Syarifah. Duwo beti noni langsung nyalami Mang Harun samo Mang Jali.

Mendadak tegang ...

Enjingok Mang Harun masati Mai munah ..

Tapi dak lamo ..

Dahtu berubah senyum bekembang nyelik Mang Harun nyenyumi Mai munah.

Dahtu lego waktu Mang Harun ngomong ...

"Li, Fah. Aku kawini bae betinoni."

"Alhamdulillah," kato Mang Jali en Bik Syarifah serempak.

Lego selego-legonyo ...


Di ruang kerjo Mang Kerio ..

Cek Leha, yang baru masuk ngan terke map nak ditandatangani, keta wo seperempat ngakak endenger Mang Kerio ngomong ..

"Horeeee. Aku kawin. Pesta besak-besak-an .."