Mang Kerio (66)

Mang Kerio (66)
Oleh Wak Amin




"KAU dapet apo Kak Jeki?" Tanyo Jeni, waktu la balik dari nyatroni rumah wong.

"Dak katik Dek. Cuman dapet ini bae," uji Jeki, lesu darah.

Dio nunjukke kalung mas, kuning mengkilat.

"Waaw .. Alangke bagusnyo Kak?" Jeni seneng enjingoknyo.

"Kau endaknyo Dek? Embekla."

"Niyan apo Kak? Gek kau nyesel. Nak mintak balik malu .."

"Idak. Embekla kalu kau galak Dek Jeni .."

"Galakla Kak. Betino mano dak ga lak mas kalu bukan betino buyan," kato Jeni kehanjakan.

"Sekalianla tando kakak .." Jeki tibo-tibo nundukke kepalaknyo.

"Tando apo Kak?"

"Tando kakak cinta sama kau Dek Jeni ..."

He he he ..

Jeni lum jawab. Dio masih senyum nyelik kalung mas yang baru kali ini dio selik.

"Jen .."

"Iyo Kak."

Jeki ngisyaratke jawaban dari Jeni sekarang.

"Kakaktu telambat. Ngapo dak dari dulu ngomong cinta samo aku."

"Maaf Dek. Kakaktu sibuk niyan. Kau liyatla. Ampir setiap malem endatangi rumah wong. Nyolong duit."

"Alesan kakak bae."

"Idak Dek. Kakaktu cinto niyan sa mo adektu. Cuman baru sekarang bae tepikir .."

"Kakak bok oong. Inget dak waktu tu kakak mintak carike pacar. Jeni jawab cari dewekla. Madak'i lanang mintak carike pacar dengan betino."

Jeki malu ati.

"Padohal kak ye, kalu kakak waktu itu langsung nembak Jeni, pasti keno .."

"Ai dak galak Dek. Kalu mati cakmana?"

"Itula salahnyo kakaktu. Dikatoke bengak gek ngamuk, dikatoke pin tar gek lupo dengan aku .."

"Yo cakmano yo Dek?" Sambil eng gaut-gaut palaknyo, Jeki mohon samo Jeni agar nerimo cinta sejatinyo.

Dak kolu jugo Jeni nolaknyo. Apola gi memang dak katik tuyul lanang lain selain Jeki.

Jadi, ngapo nak jual mahal?