Mang Kerio (67)

Mang Kerio (67)
Oleh Wak Amin




LA duwo ari dak balik-balik, Tuan Andreas, sang pemilik tuyul, nemui Mang Kerio di kantornyo.

Mulonyo Mang Kerio dak cayo Tuan Andreas ngaku terus terang kalu la keilangan tuyul.

Sebab, setau Mang Kerio, dimano bae di dunioni, dak katik yang em punyo tuyul ngaku punyo peliaroan tuyul, sepasang pulo.

Yang ado besingit-singit. Kapan di tanyo ngingun tuyul dak, dijawab idakla. Anehnyo, dak ulah buntu. Dikit-dikit pasti adola yang namo nyo duit.

"Makmano caronyo taunyo tuyul aku biso balik Mang," uji Tuan An dreas. Ngarep jangan lebih dari seminggu Jeki en Jeni balik.

Ngapo cak itu?

Dak katik duitla. Ini bae la senin kemis. Apolagi nak seminggu. Pa cak mati tetegak ...

"Siap Tuan Andreas," uji Mang Ke rio. Tegak denget, dahtu duduk lagi sambil ngulum bombon.

"Terimo kasih Mang. Kagek kalu tuyul aku la balik, adola persen untuk mamang samo cek."

Cek Leha hanjak niyan endenger nyo. Sedenget lagi nak lebaran, pe ngen niyan dio cak betino-betino lain. Baju baru, beha baru. Pokok nyo serbo baru galola.

"Cek ..!"

Ditegur Mang Kerio, Cek Leha ka get. Untung denget ..

"Ngelamunke apo Cek?" Tanyo Tu an Andreas, pecak bujang nak nak sir jando mudo.

"Idak Tuan. Idak ngelamun idak," uji Cek Leha becepet nyilake tamunyo ni nyicipi telok gabus.

"Dak baik budak betino ngelamun. Bener dak Tuan Andreas?"

Ha ha ha ...

"Bener Mang Kerio," kato Tuan An dreas sambil ngedipke mato," kalu ado apo-apo omongke bae. Jangan dipendep di jeru ati."

He he he ...

Cek Leha jadi malu ati. Untung bae ado wong lain yang datang nak ne mui Mang Kerio. Betino mudo, be lagak pulo

Kalu daktu dak berenti keno olah ..
...