Oleh Wak Amin
HA ha ha ha ...
Mang Kerio ketawo separo ngakak.
"Kau ado pendapat Cek?"
"Soal apola kiro-kiro Mang?"
"Langsung dikawinke bae wong duwotu atau makmano sebagus nyo menurut kau Cek?"
Cek Leha bepikir denget ..
"Mun ujiku biarke bae Mang," uji Cek Leha.
"Biarke makmanotu Cek?"
"Tuyultu kan bukan manusio cak kito-kitoni kan Mang dan Tuan An dreas. Jadi biarke Jeki samo Jenitu kawin dewek bae ..."
Tuan Andreas ngernyitke dahinyo. Pecak nak marah tapi idak. Kurang nerimola dengan apo yang diomo ngke Cek Leha barusan.
"Kalu misalnyo Tuan Andreas nga winke apo dak lucu. Anak bukan famili bukan. Terus makmano nak nyandingkenyo. Tuyul kan dak ke selik'an, terus kalu memang dise likke makmano caronyo."
Diem galo-galo ...
Dahtu serempak minum banyu pu tih dungin wadah botol yang baru bae diembek dari jeri kulkas se puluh pintu.
"Kesimpulannyo Tuan Andreas. Ka winkela. Tapi dak usah bepesta-pestala. Biarkela Jeki samo Jeni kawin dewek."
"Iyo Tuan. Walau makmano, tuyul itu kan bukan cak kito-kitoni. Bener dak Mang?"
"Bener Cek. Lain hal kalu .." Mang Kerio batuk-batuk. Tegak denget, dahtu bejalan endeketi jendelo.
"Kalu apo Mang?"
"Kalu misalnyo. Ini misalnyo bae. Dak apo-apo kan?"
"Dak apo-apo Mang, omongke bae," kato Tuan Andreas, agar masalah nyo cepet selesai.
"Misalnyo bae Tuan ngendak'i Cek Leha .."
Haaaa?
Merah padam rai Cek Leha.
Tuan Andreas biaso-biaso bae. Kalu Leha galak retinyo dak perlu nyari betino lain.
Yang pasti dak kesepian setelah ditinggal kawin Jeki en Jeni.
Tidak ada komentar:
Posting Komentar