Mang Kerio (73)

Mang Kerio (73)
Oleh Wak Amin






12. Episode : 'Kade Er Te'

"MANG Kerio ... Mang Kerio. Buka' Mang ..."

Dak mencet bel lagi, langsung bae nepak-nepak lawang cak uwong ngamuk mintak buka' lawang.

"Assalamualaikum warahmatul lah .." Mang Kerio ngucap salam.

Selesai bedu'o, Cek Leha ne mui nyo.

"Mang, ado betino ngamuk di luar sano," kato Cek Leha separo takut.

"Dak kau tanyo ngapo dio ngamuk Leha?"

He he he ..

'Ai mamangni. Idakla. Wong nga muk ditanyoi tambah ngamukla dio," uji Cek Leha. Sedikit tenang karno ado Mang Kerio.

Bismillah ..

Lawang dibuka'.

Bruuuk ..

Bik Siti tesungkur nimpo Cek Leha. Saling betimpoan di lantai keduwo nyo.

Mang Kerio ketawo geli. Tapi sebe lum Bik Siti bangun, dio becepet mintak maaf.

"Dak apo-apo Mang," kato Bik Siti sambil ngusap banyu matonyo.

Leha ngambik banyu putih sege las di dapur. Dio enjukke samo Bik Siti. Minum dulu biar tenang.

Glek gek .. gek ...

Alhamdulillah ..

"Sekarang beceritola bibik," kato Cek Leha setelah saling ngenalke namo masing-masing, temasuk Ma ng Kerio.

Atur nafas duken ...

"Mak ini Mang. Akuni tadi digebuk'i lakiku. Karno dak tahan, dio ke da pur, aku ngincit. Di jalan aku dienjuk tau wong betino, cubo bae datangi rumah besak di pinggir jalan. Kuji ngok yang paling besak inila, mang konyo aku datangi tempat ini," uji Bik Siti sambil tesedu sedan.

"La berapo lamo Bik Siti keno gebuk?" Tanyo Cek Leha, gerem jugo nyingok betino digebuk'i lakinyo.

Lemak bae enggebuk-eggebuk, bu kannyo lemak digebuktu. Sakit. Me nyutnyo mintak ampun.

"La lamo Dek."

"Sejak bibik kawin?"

"Mak itula kiro-kiro Dek."

"Pasal apo bibik galak keno gebuktu?"

"Kadang-kadang cuman pasal kecik bae. Laju besak."

"Misalnyo Bik?"

"Banyu kopi. Bibik kan dak tau ka pan dio balik, sampe rumah. Waktu nanyotu bibik jawab 'baru nak dibu atke kak.' Apo jawabnyo? Kelepa ak .. Kelepak. Langsung nabok. Se kali ditahanke, kalu la puluhan kali bibik dak tetahan lagila Dek."

"Bibik pernah lawan dak?"

"Lum Dek. Dulu bibik memang pacakla silat sedikit-sedikit. Tapi karena la lupo galo jurusnyo, bibik jadi cak uwong bongok bae sekarang."

Cek Leha ketawo di jeru ati.

"Bibik la pernah ngelapor dak?" Ta nyo Mang Kerio. Ngongkon Bik Siti masuk ke ruang kerjonyo supayo lebih nyaman ngutarake isi ati.

"Lum Mang."

"Ngapo?"

"Percuma bae Mang. Dio pasti tau. Na kalu tau akutula yang saro Ma ng. Babas bingkas galo badanni Mang."

"Ngapo dak mintak cerai bae Bik?" Tanyo Cek Leha.

"Aku nak begawe apo Dek?"

"Maksud Bik Siti?"

"Kalu aku mintak cerai, aku nak kemano. Uwong tuwo la katik lagi. Sodara mak itu jugo. Terus nak be gawe apo. Selamoni kan cuma melok laki."

Payah jugo ye lur ...

"Mangkonyo aku kesinini nak min ak tulung samo mamangni. Paling idak siangni aku dak keno gebuk lagi."

"Anak bibik cakmano?"

"Lum balik sekolah Dek."

Ooooo ...

Cek Leha samo Mang Kerio berem buk denget. Nak mutuske, apo Bik Siti disinila apo dikongkon balik ke rumahnyo.

Itu bae ...