Mang Kerio (78)

Mang Kerio (78)
Oleh Wak Amin






SAMPE rumah sakit, nunggula wo ng tigoni: Cek Leha, Pak Erte dan Mang Kerio.

Ketigonyo duduk di ruang tunggu paling ujung rumah sakit. Lebih te nang karno dak ado wong kulu-kilir parak situ.

Amen tiduk, eeem pastila nyenyak. Ngorok la pasti ..

Anehnyo, le nak ampir jam sembi lan lum, betino bebaju putih marak'i Pak Erte.

"Silakan Pak Erte. Tapi mohon pe ngertiannya ya Pak .."

"Baik suster ..."

Begilir masuknyo. Duluan masuk Pak Erte. Dak lamo idak. Dak sam pe duwo menit la metu lagi.

Sambil temenges-menges, dio ngen juk tau Mang Kerio yang dio bezuk barusan samo namo bae.

"Ngapo biso cak itutu Pak Erte?" Tanyo Cek Leha.

"Dak tau jugo. Namonyo samo. Na, pas aku jingok lain."

Pak Erte ketawo geli.

"Lain makmanotu Pak Erte?"

"Yang kuliyatni kan item. Mato jobol, palak botak."

He he he he ..

Ketawo galo.

"Ado-ado bae," uji Cek Leha. Sampe temetu ingus keperi lemaknyo keta wo.

"Pak Dukunnyo lain jugo apo Pak Erte?"

"Kalu yang Pak Dukun memang dak katik Cek .."

Lhaaa ..?

"Dak katik yang namonyo Pak Du kun, kato petugas sambil ketawo-ketawo .."

"Jelasla dak katik Pak Erte. Mado ado namo uwong Pak Dukun. Bener dak Cek?"

"Bener jugo ye," uji Cek Leha sambil batuk-batuk karno nahan ketawo.

"Iyo jugo ye." Pak Erte gaut-gaut palak.

"Pak Erte tau namo asli Pak Dukun dak?"

Nginget-nginget denget ...

"Kalu dak salah Sup .. Supriyatno. Yo, Supriyatno Pak Erte, Leha. Dak salah lagi."

"Ngapola dak diomongke dari tadi Pak Erte. Dak betungguan lagi kito disini," uji Cek Leha.

"Maafke bapak yo Cek. Bapak dak teinget. Maksud bapak tadi kito ji ngok duken Mang Jon. Dahtu baru Pak Dukun."

"Dak apo-apo Pak Erte. Sekarang giliran aku yang nanyo .."

"Biarla Mang. Aku bae," kato Cek Leha.

Dio becepet marak'i lanang bebaju putih. Dak lamotu dio nunjuk-nunjuk ke kanan, ke kiri, ke kanan lagi.

Seru jugo ngeliyatnyo ..