Mang Kerio (81)

Mang Kerio (81)
Oleh Wak Amin





"STOP .. Stop Mang Kerio!"

Syiiit ...

Mobil berenti, Cek Leha langsung metu dari mobil. Dio nak mastike siapo niyan lanang keno gebuk di parak got besar.

La tau ...

"Mang .. Pak Erte. Gancang turun. Itu .. Itu ..."

"Itu siapo Leha. Yang bener kalu ngomongtu," uji Mang Kerio, mintak Cek Leha ngatur nafas duken.

"Itu uwong .. Uwong."

"Yo uwong Leha. Tapi siapo?" Tanyo Pak Erte penasaran.

"Uwong yang kito cari."

"Mang Jon maksud kau Ha?"

"Iyo Pak Erte."

Becepet marak'i lanang tegeletak parak got. Palak bedarah. Dak sa lah lagi. Itu Mang Jon.

Sedangke di deketnyo Pak Dukun sambil megang kayu gelam. Samo cak Mang Jon, dak sadarke diri. Apo sementaro, apo selamonyo, lum jelas.

"Pecaknyo la mati Mang Kerio," ka to Cek Leha. Pasalnyo, dicubit-cubit pipi Mang Jon, dak jugo beringgut-ringgut.

"Cubo gelitiki bae Ha," kato Pak Er te. Kalu nian biso bangun setelah digelitik.

Mulonyo lum. Karno yang digelitik leher. Waktu le nak parak kelek, mulak'i beringgut.

Eeut . gidik .. gidik ..

Tebangun akhirnyo Mang Jon. Cu man lum pacak tegak. Mato bae yang jobol. Enjelit. Noleh kanan kiri.

Makmano dengan Pak Dukun?

Payah jugo embangunkenyo. Disi ram pake' banyu got dak mempan. Digelitiki mak itu jugo.

Samo bae ...

Jadi makmano?

"Kito masukke bae ke garasi mobil. Makmano kiro-kiro?"

"Setuju aku Mang," kato Pak Erto. Lego karno yang dicari la ketemu.

"Yang sikoktu Mang?" Cek Leha nunjuk ke kanan. Mang Jon la pa cak duduk besilo sambil enggaut-gaut rambutnyo yang abang karno tepercik darah.

"Biarke bae."

"Jangan Mang. Mati anak uwong," kato Cek Leha, temuntah karno dak tahan bau tengik keringet samo ba nyu got.