Mang Kerio (83)

Mang Kerio (83)
Oleh Wak Amin



TOK .. Tok .. Tok ...

"Assalamualaikum," kato Cek Leha, seramean samo betino yang lain.

"Waalaikum salam warohmatullohi wabarokatuh." Tedenger suwaro da ri jeru rumah.

Caknyo suwaro lanang.

Dak salah lagi ...

Nyeet ...

Lawang dibuka' ...

Sikok-sikok wong betinoni nyalami Mang Rahmat. Bujang tuwo, la pulu han raun idup dewekan.

"Apo kabar Mang?"

"Baik Mang Kerio," jawab Mang Rah mat kemaluan enjingok betino yang cantik-cantik galoni.

"Sudah nyaur Mang?" Tanyo Cek Leha.

"Belum Ha. Mamang lum apo-apo," kato Mang Rahmat. Serbo salah, nak ngongkon masuk, rumah bae cuman punyo kamar sikok.

Cek Leha metuke plastik besak. Isi nyo makanan untuk sawur. Nasi se kotak ditambah bubuhan sekotak. Ayam goreng, tahu goreng dengan lalapan kangkung tumis samo sam bal pedas.

"Na ini dari kami Mang. Jadila se kadar untuk sawur Mang Rahmat. Tolong diterimoke Mang."

Terharu jugo Mang Rahmat. Tepe guk denget. Dahtu neteske banyu mato.

"Maaf Mang. Ngapo Mang Rahmat tibo-tibo nangis?" Tanyo Cek Leha penasaran.

"Mamang nyesel Ha."

Galo-galo pado kaget.

"Nyesel ngapo Mang?" Tanyo Pak Erte. Takutnyo Mang Rahmat tesing gung. Biasola, kadangtu, dak betino dak lanang, kalu lum jugo kawin, di cuilke dikit langsung merajuk.

"Mang?!"

"Mamang nyesel Ha. Ngapola dak do kawin cak uwong-uwong lanang laintu."

Ha ha ha ...

Mang Rahmat dak marah diketa woi. Memang iyola niyan sudah setuwoni lum kawin.

"Maaf Mang," kato betino pake' baju kurung putih, "apo mamang ado niyat nak kawin?"

"Ado ponakan, tapi ..."

"Tapi ngapo Mang!" Tanyo Cek Leha, besemangat niyan.

"Dak katik sikok pun betino di kam pung kitoni yang galak samo ma mang, Ha."

He he he ...

"Mang Rahmat bae cak idak cak id ak," kato Mang Kerio sambil noleh ke rombongan betino yang lum jugo belaki-belaki samo la punyo laki ta pi mati.

"Ponakan-ponakan kitoni pasti ga lak. Tunjuk bae mang sikok."

Mang Rahmat malu ati.

"Kagek baela Mang Kerio," uji Mang Rahmat nak ngalihke omongan.

"Jangan kagek. Sekarangla Mang. Makmano kiro-kiro. Setuju dak ka mu kalu kito kongkon Mang Rah mat nunjuk sikok betino yang dio ngesir dan bakal jadi  bininyo?"

"Setujuu," jawab rombongan lanang serempak.

"Yang betino setujuuu?"

Diem galo-galo.

"Itu retinyo setuju," kato Mang Ke rio. Ngongkon Mang Rahmat lang sung tunjuk bae.

Dak usah malu-malu ...