Mang Kerio (101)

Mang Kerio (101)
Oleh Wak Amin




DAK cuman itu bae ...

Waktu speedboat ngelewati batu besak, Pak Ramlan duduk besilo. Nah, yang bikin penonton takjub, waktu 'melayang' di udara, muter-muterke badannyo.

Cek .. Cek ...

"Bolehla bapak itu. Sayang la tuwo," kato gadis sambil makan es kipas.

"Kalu mudo ngapo memang?" Ta nyo konco sekolahnya, ngulum permen kopi.

"Kupacari dio .."

He he he ...

Sssst ...

"Diem," kato betino gemuk lum punyo anak.

Ruponyo Pak Ramlan joget-joget. Meluncur ke kiri dan kanan. Pega ngan tali ski dio jepitke ke kaki. Di embeknyo lagi. Ditarok ke bawah kelek samo leher.

Plak .. Plak .. Plak ...

Atraksi Pak Ramlan ini embuat beberapa peserta lain jadi kecik kundu.

"Dakke menang aku Bro," uji lanang betaik lalat samo konconyo yang mendapat giliran tampil keduwo.

"Dak boleh mak itu Bro. Tetep sem angat. Bapak itu boleh hebat, tapi wasit lah tang ngenjuk nilai gek."

"Aku jugo bepikir cak itu. Tapi kuji ngok taditu wasit betepuk tangan galo. Sedangke waktu aku tampil taditu cak idak bae."

"Mungkin bae karno seneng jingok gayanyo beseki Bro."

"Itu retinyo dio pasti menang."

"Lum tentu Bro."

"Ngapo lum tentutu?"

"Wasit itu uwong hebat Bro. Kalu dak hebat ngapo panitia dak milih kito. Soal wasit seneng mak uji aw aktu, yo wajar bae. Tapi aku yakin mereka jujur."

"Mudah-mudahan bae Bro."

"Jangan mudah-mudahan. Tapi ha rus dan wajib jujur. Sebab kalu idak, aku yakin mereka dak dipake' lagi ngewasiti lomba ski tahun depan.

Plak .. Pak .. Plak .. Pak ..

Pak Ramlan dikerumuni uwong ba nyak. Ado yang nyalami, meluk, ma lah ado yang nekat nyium pipi sa mo kening.

"Selfi Pak samo kami," uji gadis-ga dis, ngongkon Pak Ramlan tegak di tengah, kanan kirinyo cewek galo. Sikok pun dak katek yang beidung pesek.

Satu .. Duwo .. Tiii .. go.

Flasssh ...