Mang Kerio (111)

Mang Kerio (111)
Oleh Wak Amin


"BENTAR ya Bu Asih."

"Yola Mang. Santai bae," kato Bu Asih, walau sebenarnyo di jeru ati deg-degannyo bukan main.

Cek Leha ruponyo dikongkonngaw ek banyu sirup abang campur sela sih samo es batu tigo gelas. Sege las untuk Bu Asih, duwo gelas lagi untuk Mang Kerio dan Cek Leha.

"Kito minum duken Bu Asih," kato Mang Kerio sesaat setelah Cek Le ga ngelepakke tapsi berisi tigo ge las es selasih sirup abanng pucuk meja.

"Payu Mang. Dak nulak lagi aku. Yang namonyo es, dicampur apo bae, pasti lemak," uji Bu Asih.

"Kalu mak itu kita angkat samo-sa mo gelas kito," kato Mang Kerio.

Triiiing ...

Beradu gelas ...

Samo minum. Bedanyo, kalu Mang Kerio dan Cek Leha dikit bae, asak minum bae. Bu Asih kebalikannyo. Langsung diteguk abis.

Ahhhhh ...

Sedaaap ...

"Seger rasonyo badan Mang."

"Alhamdulillah. Kalu mak itu kito samo-samo buka' yo Bu foto-fotonyo."

"Lajula Mang."

Sikok-sikok dideretke pucuk meja. Sikok-sikok pulo diselik Bu Asih. Dak katik reaksi apo-apo. Marah dak. Apolagi sampe nangis atau pingsan.

"Makmano Bu Asih?"

"Dak apo-apo Mang aku."

"Maksud Bu Asih?"

"Seperti mamang liyat dewek. Aku biaso bae .."

"Ngapola biso cak itu Bu Asih?"

"Banyak ruginyo ibuk Nak Leha."

Rugi?

"La ditiduk'inyo. Belanjo duit aku. Apo-apo aku. Dio tau beres bae. Kalu diitung rugi akutu. Bener dak Mang?"

Ha ha ha ...

Mang Kerio ketawo ngakak. Baru inila dio endenger pengakuan jujur dari klainnyo ...

"Apo kiro-kiro rencano ibuk selanjutnyo?"

"Cere bae Nak Leha."

Haaa ...