Mang Kerio (98)

Mang Kerio (98)
Oleh Wak Amin




KARNO lum jugo bangun, tepakso dibangunke. Yang pertamo emba ngunkenyo Cek Leha.

"Pak Ramlan. Pak Ramlan. La sia ng. Bangun."

Pak Ramlan embuka' matonyo.

"Lum Nak Betino. Masih gelep. Ngo lahke bapak bae kauni," uji Pak Ramlan.

"La jam sepuluh Pak. Jingokla jam dindingtu kalu dak cayo!"

Teng .. Teng .. Teng .. Teng .. Teng .. Teng .. Teng ..Teng .. Teng .. Teng ..

"Embudike Nak jamtutu. Buktinyo Nak Betino liyat dewek, dak katik kan sinar matohari. Retinyotu masih pagi. Lum siang."

Lum sempet Cek Leha ngomong, Pak Ramlan la mejem. Tiduk lagi. Langsung ngorok.

"Sabar, sabar Ha. Betino sabar pasti banyak lanang ngendak'inyo," kato Mang Kerio sambil ngitung duwit jeru dompet.

"Dak usah Mang. Katik sosoknyo Leha."

Ha ha ..

"Kagek awak belike si .."

"Pak Ramlan. Makmano mamang ni. Lum tuwo la pelupo."

Ha ha ...

"Kau belike nasi iwak sebungkus di warung makan deket sinila. Gek, ka lu Pak Ramlan la bangun, enjukke bae kangsung tako rokoknyo.'

" Siap Mang. Tapi ..."

"Mintak beli pulo kan?"

"Iyo Mang."

"Belila duwo bungkus nasi putih. Sikok untuk kau, sikoknyo lagi un tuk mamang."

"Lauknyo Mang?"

"Dak usah. Pakek' lauk yang kuba wakni bae," kato Mang Kerio.

Dio buka' rantang kecik. Isinyo iwak seluang goreng samo sambel cung kediro campur cabe iju.

Hik hik hik ...

Ketawo karno tekejut ..

"Alangke medit uwong," uji Cek Leha di jeru ati.

"Jangan lupo yo Ha."

"Apo Mang?"

"Sosokannyo lepakke pucuk meja kerjo mamang .."

Hik hik hik ...

Ketawo karno dak cayo.

"Alangke cemeke'annyo lanang ou iyo ..."

"Oh iyo Ha. Makmano kalu rokok yang la awak beli taditu jualke lagi bae. Duwitnyo kau belikela lauk untuk kito beduwo. Idak ayam, iwak jadila."

"Tapi Mang ini kan rokoknyo Pak Ramlan."

"Omongke bae kalu dio la bangun gektu. Warung deket sini dak jual rokok lagi ..."

Hik .. Hik .. Hik ..

Ketawo tepakso ...