Jok-jok Koda (1)

Jok-jok Koda (1)
Oleh Wak Amin


LAGI bangik mongan gulai tampu yak matah, kangkung tingrobus, sambol cungkadiro rik iwak botuk guring, anakdu bungsu Mang Ibnu ratong ngonjuk pacak kintu wat tamu di luwah.

"Sapa Loh?"

"Lupa nyak Bak," cakdu Duloh ngui kui hulu mak gatol.

"Cawako tunggu sangarobok. Ubak lokok mongan."

"Siap Bak."

Sapa tamu di luwah ho yo?"

Mang Komis. Wajar Duloh mak pa cak. Bakdu saunisa Mang Ibnu sai galak tilambahan.

"Cawaku rik ubakmu, wat Mang Komis. Juksina juga."

"Siyap Mang Komis.

Ompai ga bubuh lagi, Duloh ratong lagi.

"Tolahna Mang Komis, Bak."

"Sapa tolahna?"

"Mang Komis, cakna jona Bak," cak du Duloh. Tukoran pai. Ubakna lu wah nomuni Mang Komis. Ya mo ngan. Kok botoh jakjona.

Di luwah, Mang Komis rik Mang Ib nu ngudut rukuk pucuk butamba ku. Kok candu barangkali, pingsan ngahisop hasok luwah banguk, hi rung, rik mata.

"Kita nyopok iwak Nu, haga mak niku?"

"Rik api?"

"Parahuku. Haga yo?"

"Ngawil api anjala?"

"Kita liyakda nonti. Sai pontong niku haga."

"Kok tamtu haga. Mih idan? Ganta sada api nonti dibi?"

"Ngudut pai oi iyu."

"Haga kuguwaiko kopi?"

"Haga. Jak jona nyak gacawa. Mih bak apiya, mak luwah-luwah cawa na."

"Pahik api mamis?"

"Mamis juga Nu."

"Golas balak api ronik?"

"Balak jadi, ronik jadi. Sai ponting nginum kopi."

Ha ha ha ha ...