Jok-jok Koda (4)

Jok-jok Koda (4)
Oleh Wak Amin


KIRA jam tigoda tiyan pakja lapah tilambahan sai dok ketek. Pokna po dok lawok. Tiyangna kayu, mih nga hujam di lom wai pinggirdu lawok.

Jam satongah pak ompai ngahu rikko mosin ketek. Sai ngahurikko na Mang Sehu. Yoya wat ruwa ke tek. Balak rik ronik.

Lawok tonang waina. Langik holau. Corah. Mihya kabiyansa makwat ra miga. Sai ruwa motor ketek liyu. Wat sai ngatot punti. Wat sai nga tot jolma jak kota ti tiyuh, jak bala nja guwai jualan, monuhko isidu warung.

Motor ketek buhodak dipinggir. Po dok pohon balak.

Mosin dimatiko ...

Huuup ...

Mulaida ngawil ...

Bakdu radu tugas ngantak Mang Ib nu cs ngawil, Mang Sehu parmisi turui.

Landok nihan turuina. Mak ingok api-api. Lobih sangajam ya tika turui di balakang ketek.

Tikanjot ngaliyak mak ongka jolma di lom ketek. Sopi.

Tidipa tiyan pakja ..

Kawil uwat.

Mojong sangarobok. Radu sina ma ha posai.

Lucu mak lucu halokna ...

Ya podoki tumpukan kawai. Disi ngikkona di lom papan lantai ke tek.

Heeem ...

Pasti tiyan pakja mandi bintung. Mih dipaya?

Rabai kintu lobon, Mang Sehu nga hurikko mosin ketek. Lapah tido pan.

Wat mouli mandi rik nyuci di pang kalan. Ngaliyak Mang Sehu sonang. Bakdu kok konal. Kapingin hoda cakak ketek.

Lapah-lapah ...