Mang Kerio (129)

Mang Kerio (129)
Oleh Wak Amin




TOK tok tok ...

Lawang dibuka' ...

"Assalamualaikum ..."

Sudah dibalas salam oleh Mang Kerio samo Yunita, nyium tangan uwong duwoni, Sinta duduk manis parak emaknyo.

Sedangke Cek Le ha, karno ado gawe yang lum kelar dan mesti dikelarke siang ini jugo, balik ke ruang kerjonyo.

"Dak nyangko aku Yun. Belagak ju go ruponyo anak kauni," uji Mang Kerio.

"Siapo dulu Mamanya."

"Yunita Mang namonyo," uji Sinta sa mbil kedip-kedipan mato dengan Mamanyo.

Mang Kerio ketawo.

Yunita ngunyah dodol. Sinta mak itu jugo.

"Jadi Nak Sinta. Mamang samo Ma ma kauni kawan sekolah waktu es em a dulu. La lamo dak ketemu. Pas ketemunyo di sini. Di kantor mamang ini."

"Oooo ... Retinyotu cinta besemi yo Ma?"

"Mak itula kurang lebih say," kato Yunita, neruske nyicip dodol duren.

"Bener Mang?"

"Bener Nak Sinta. Tapi ..." Mang Ke rio ecak-ecak mikir.

"Tapi ngapo Mang?"

"Sekarang kami beduwo sudah pu nyo kehidupan dewek-dewek. Ma mang la bebini. Mama kau jugo."

"Tapi Mang, Papa la mati. Mama sekarang balik dewek'an lagi."

Mang Kerio cuman ketawo dak be suwaro bae ...

"Kalu Mamang masih cinto berat samo Mama, Sinta dak keberatan kalu balik'an lagi."

"Sinta. Jago mulut kau Nak." Dak seneng ruponyo Yunita di mak ituke samo anaknyo.

"Walau cinto, Mamani tau perasaan jugo. Mang Kerioni la ado bini, anak nyo barangkali la sepantaran kau besaknyo."

"Sinta cuman ngenjuk lampu iju bae Ma ..."

Mang Kerio nengahi ...

"Antaro Mamang samo Mama kau ni memang cinto besemi. Tapi bu kan antara sepasang kekasih yang lamo dak setemuan. Tapi antara ka wan sekolah yang lah lamo niyan dak ketemu ..."

"Yola Mang kalu mak itu. Sinta min ta maaf bae samo Mamang, jugo Mama."

"Dak papo Nak."

"Tapi Mang, ngomong-ngomong anak Mang Keriotu lanang apo betino?"

"Lanang Nak Sinta."

"Oooo. La bebini Mang?"

"Lum Nak."

"La punyo pacar lum Mang?"

"Eeeem ... Setau Mamang sih lum ado. Soalnyo kalu la ado pasti dio bawak ke rumah, ngenalkenyo sa mo Mamang ..."

Sinta noleh ke Mamanyo. Ngenjuk isyarat bebesan bae ...

Huks .. huks ... huks ...

Yunita batuk-batuk dikit ...

"Minumke duken Yun," kato Mang Kerio, megang segelas banyu teh susu yang baru bae dituangke dari termos aluminium.