Mang Kerio (11)

Mang Kerio (11)
Oleh Wak Amin

"CAK suwaro uwong ketawo. Jingok duken ai. Mano tau iyo niyan," uji Juane jeru ati.

Baru bae abis ngidangke nasi putih sebakul, iwak asin sepat duwo ik ok, peti en jengkol, sambel tempo yak, sayur asem, iwak seluang sa
mo lele goreng di pucuk meja makan.

Abis ngintip, buka' lawang ...

"Ya Allah mamang, cek. Kalu nak datangtu ngomong. Telepon apo. Jadi kamu' beduwo dak lamo nu nggu ..."

Cium tangan Mang Kerio. Gantian Cek Leha yang cium tangan Juane.

"Payu masuk. Kebetulan niyan. Aku baru bae selesai masak. Kito lang sung bae ke meja makan .."

"Ai cacam. Pas niyan kau Juane. Lapar niyan mamang sekarang."

"Payu gancang. Kito belari bae. Satu, duwo, tiiiigo."

Buka'songkok, dak becuci tangan lagi, langsung bae nyedok nasi an get, nuangke sayur asem samo lele goreng ke piring beling putih be gambar bungo.

"Maaf yo Juane. Mamang dak nye mu-nyemu. La kuanggap cak rumah dewek .."

"Dak papo Mang. Yang namonyo masakan mesti dimakan. Bener dak Leha?"

"Bener Bik," kato Cek Leha, dari tadi dak tetuang-tuang mangkuk sayur asem karno tetutup tangan Mang Kerio yang sekali duwo waktu makan.

Tangan kiri pegang lele sikok, ta ngan kanan nyuapke nasi je jeru mulut ...

"Jangan malu-malu Leha. Payu guyuri. Dak usah nyemu. Gadis atau la belaki samo bae. Kalu daktu uwong yang kenyang, kitonyo yang kelaperan. Bener dak Mang?"

"Akorlatu Juane .."

Eeeeeem ...

Tibo-tibo Juane mekik. Mekik karno kelupoan ngabari motornyo ...

"Jadi yo Mang. Motor yang ilangtu la dapet," uji Juane. Idak melok ma kan idak dio. Cuman ngupil-ngupil iwak seluwang goreng bae.

"Makmano ceritonyotu Juane. Kau lapor polisi apo kau nyari dewek?"

Juane ketawo ngakak.

"Lucu Mang. Pokoknyo lucu niyan. Dak pacak ngomongkenyo keperi lucunyo."

"Ai makmano biso mak itutu Juane. Penasaran mamang jadinyo."

Beceritola Juane akhirnyo. Tegak depan meja makan. Enerangke kejadian yang sebenarnyo.

Cak keiyoan niyan ..

Nunjuk-nunjuk, enggoyangke ping gul, duduk ngengkeng, endadahke uwong, nyengir-nyengirke rainyo samo duduk ngengkeng.

Mang Kerio nyimak serius sambil ngisep rokok daun. Sedangke Cek Leha ngabiske siso sayur asem di jeru mangkuk.

Dahtu ...

Kiro-kiro sepuluh menitla ...

Juane ngomong ..

"Maaf niyan Mang. Akutu seneng ni yan enjingok motor lakiku balik. Sa king senengnyo lupo ngenjuk tau mamang."

"Budak malingnyo dak kau ..?"

"Ai dak usah Mang. Yang penting motor lakiku biso balik. Walaupun aku metuke duit ratusan ribu. Aku lego dan terharu."

Minum denget ...

"Lego seperti yang kuomongke ta ditu Mang. Motor lakiku balik. Aku terharu karno dak nyangko ado uw ong maling embalikke motor, ngan don  lagi ke rumah. Nangis-nangis. Nyesel maling. Kalu kayo dakken nak maling motor. Ngomong terus terang perlu duit. Kuenjukla. Terus ngucapke terimo kasih. Minta to long jangan lapor ke pelisi. Kito se duluran bae. Payu katoku Mang. Dahtu pegi. Na sayangnyo, aku dak sempat pulo nanyo ke budak duwo tu mang. Lupo aku ..."

"Nanyo apo Juane?"

"Nak kemano ..."