Mang Kerio (16)

Mang Kerio (16)
Oleh Wak Amin




HI hi hi hi ...

Hu hu hu hu ...

He he he he ..


"Duitku banyak. Aku kaya. Aku bisa beli apa saja," ucap pocong sambil ketawo ngakak.

Kuburan yang mulonyo angker, jadi rame. Rame karno Mustofa, Adam, Leman samo Sanusi lagi ngintip dari balik pohon besak.

"Dak usah ngintip-ngintip. Keluarla gancang ..."

Empat penculikni bingung ..

"Lajula kau bae," kongkon Mustofa. Yang dikongkon ngomong .."Dak galak ah."

"Leman bae," uji Adam, "Badannyo kan besak. Pasti takut si pocong itu ngeliatnyilo."

"Dak galak jugo ah."

"Ngapo mak itu Man?" Tanyo Mus tofa.

"Itu kan pocong. Mano pacak kalu cuman ngandalke badan besak bae," kato Leman beralasan.

"Makmano kalu kau bae Si."

"Idak Mus. Ngeri aku."

"Ngeri ngapo? Takut?"

"Bukan takut Mus. Kalu gek aku dikawininyo ..."

Ha ha ha ha ...

Endenger Mustofa en konco-kon conyo ketawo, si pocong tesing gung berat.

"Ngapo ketawo-ketawo. Cepetla me tu. Kalu idak .."

"Yo, yo Cong. Kami berempat metu sekarang," uji Mustofa.

"Cepeeet!" Bentak pocong, la ilang kesabarannyo.

Hi hi hi hi ...

Mustofa cs tepakso embiarke po cong ketawo dewekan. Takut kalu melok, pocong marah lagi.

"Ngapo kamu berempat ngintip aku haaa?"

Hi hi hi hi ...

"Kami idak ngi ..ngintip Cong," kato Leman, tepucet la cak mirip pocong pulo pucetnyo.

"Jangan booo'ongla."

"Bener Cong. Kami idak ngintip idak. Cayola samo kami," uji Mus tofa.

"Kalu dak ngintip ngapo besingit di balik batang besaktu?"

"Kami kebetulan lewat. Waktu lewat nak balik tadi, dak sengajo kami ngeliyat pak pocong .."

"Bukan pak, tapi mbak. Akuni beti no tau dak. Masih gadis pulo. Akuni cantik. Sudah banyak lanang ma rak'i aku, tapi dak kuladeni. Mema ng dak galak aku. Lanang kerak galo .."

Hek hek hek ..

Leman, secaro dak sengajo, ketawo.

"Ngapo ketawo haaa?"

Mustofa nengahi. "Sebenernyo duit jeru tas yang Mbak Pocong pega ngtu milik kami berempatni."

"Ai dak mungkinla. Mano ado po tongan cak kamu berempatni pu nyo duit sebanyak ini. Kalu idak dapet ngerampok atawa maling. Bener dak?"

Mustofa cs tediem.

Dak bebunyi ...