Mang Kerio (19)

Mang Kerio (19)
Oleh Wak Amin





JERU kapal terbang ...

"Cak mano ngidupinyo Ha?"

"Ngidupi apo Mang?"

"Layar petak inina ..."

Oooo itu ..

"Mamang nak milih apo sekarang? Games, film atau apo?"

Mang Kerio nyelik kiri kanan. Wong nonton film galo. Mecem-mecem filmnyo. Ado kungfu, spionase, pe rang dan komedi.

"Film bae Ha," kato Mang Kerio yakin.

"Dak nyesel apo?"

"Idak. Film bae."

"Film apo Mang?"

"Film lucu-lucu bae."

Cek Leha cubo nyari film komedi. Lamo jugola dio nyarinyo. Sampe sepuluh menitla.

"Nah, ini Mang. Galak dak? Cerito film bebek angso."

Mang Kerio enggilingke palak. Tando dak galak.

"Kalu yang ini?" Sepasang monyet idup di hutan belantara.

"Ai dak galak jugo."

"Ngapo dak galak Mang. Kan ba gus?"

"Takutnyo gek jadi monyet pulo."

Karno kesel, ini dak galak, itu dak galak, Cek Leha ngongkon Mang Kerio nyari dewek.

Mang Kerio ngiyoke akhirnyo ...

Dicarila segalo jenis film. Lamo dak ketemu-ketemu jugo.

Dak taunyo ...

"Ketemu Leha. Ini yang mamang cari," kato Mang Kerio. Lego raso nyo.

Film budak kecik 'ngelewan' jin tu wo.  Seru ado, tegang ado, lucunyo jugo ado.

Hebat kan film pilihan Mang Kerio?

Sayang, lum sempat nonton, karno Cek Leha ngomong cak ini ...

"Buka' Mang tali pinggangnyo. Kito sudah sampe ..."

Dakken ado?

"Cubo mamang jingok ke buri?"

Bederup uwong tegak galo.

"Ngapo yo Ha? Apo ado yang aneh samo mamang?" Bisik Mang Kerio, ke ge-eran ..

"Nak turun Mang ..."

Ha ha ha ..

"Lucu wong tuwo ini ya Mam," kato budak kecik deket Mang Kerio du duk sambil meluk erat emaknyo yang ke-indo-indo-an.