Mang Kerio (24)

Mang Kerio (24)
Oleh Wak Amin





PUCUK Tronton ...

"Ternyato lemak jugo ya Om dan Tante naik pucuk tronton," kato Tuti sambil nyelik pohon-pohon besak di pinggir jalan.

"Tante jugo seneng Tut," uji Cek Le ha. Melok nyelik pohon besak yang iju galo warnonyo.

"Kalu Om dewek sih, seneng dak senengla Nak Tut."

"Bisa mak itu, bagaimana bisa Om Kerio?"

"Om seneng karno kamu seneng Tut. Naaa, dak senengnyo, takut gek kalu ujan turun, makmano?"

"Enjuk tau mamang sopir bae Om," kato Tuti, nguap. Kepingin tiduk.

"Om, Te. Tuti mau tiduk biso dak?" La dak ketahanan lagi.

Mang Kerio samo Cek Leha saling jingok ..

"Biso Tut," uji Cek Leha. Karno di tengah, kato uwong, cewek yang lum kawin, dak bagus tiduk di te ngah-tengah.

"Kito kesano bae Nak Tuti," kato Ma ng Kerio. Nelpon duken mang sopir, nyuruh berenti denget, karno nak mindahke Tuti.

"Dio nak tiduk," kato Mang Kerio ke pada mang sopir. "Tulung mang, ki to pindahke duken Neng Tuti ini."

"Baik Pak."

Tuti nyubo bangun dewek. Tapi dak pacak. Tepakso diangkat samo-sa mo oleh Mang Kerio, Cek Leha en mang sopir.

Satu ... Dua .. Tiiii ..ga.

Prakkk

Guuum ...

Samo-samo teduduk. Untung dak telentang. Kalu sampe telentang pacak pingsan galo-galo.

Cari akal ...

Makmano?

"Kito dorong bae badannyo. Cubo mamang panggil keneknyo," kato Mang Kerio.

"Baik Pak Kerio," kato si mamang sopir. Ngelumpat turun, kaget nyelik keneknyo tiduk nyenyak.

"Bangun Jang. Bangun gancang!"

Ujang tebangun.

"Ado apo Mang. Macet yo?"

Si mamang nak ketawo ado, sebel jugo ado.

"Cepet turun. Bantu mamang min dahke penumpang ..."

"Oke Mang. Kecik igo urusannyo Mang kalu soal mindah-mindah ketu."

"Yo .. Yo. Cepetla dikit!"

Pas depan buri tronton, si mamang samo keneknyoni eran beribu eran. Ngapo mak itu?

Terang eranla karno enjingok Mang Kerio, Cek Leha en Tuti tiduk serem pak di pucuk 'bak' tronton.