Mang Kerio (31)

Mang Kerio (31)
Oleh Wak Amin

MANG Kerio eran ..

"Kalu familinyo Mang ye?" Cek Leha endugo bae. Biaso kan, kalu la mulak'i ado duit, sanak beruyut dari mano bae pado datang.

Mintak lokak. Kalu daktu ngarepke enjuk'an ...

Mang Kerio dak cayo. Dakken ado pakaiannyo acung arut. Basingnyo bae.

"Pasti ado apo-aponyo," uji Mang Ke rio. Dak jadi metu. Tetep besingit di buri rumah tukang bakso.

Ssssst ...

"Buka' pintu mamang bibik .." Kato lanang betino serempak dari luar rumah.

Bini tukang bakso ngomong ..

"Yayang bae yang metu ye," kato si bini. Takutnyo setengah mati. Takut ketauan jualan bakso tikus.

"Mamang bibik. Buka' la lawangni. Kami pengen makan bakso. Perut kami lapeeer," uji betino rambut dikuncit.

"Biarlah bakso tikus Mang, Bik. Dak soal bagi kami. Yang penting tetep bakso namonyo," kato lanang be sewet idak bebaju.

"Payu Mang, Bik. Buka' la pintuni," kato lanang begodek tapi katik gigi.

Duwo laki binini panik.

"Cakmano Yang. Apo enjuk yang mentah bae," uji si bini dengan rai ketakutan.

"Enjukke baela. Kalu bae galak," ja wab si laki pecak nak nangis.

"Dak galak kami yang mentah Ma ng, Bik. Kami nak yang masak," ka to uwong banyak tadi dengan nada kesel campur marah.

Si bini tibo-tibo nangis ...

"Bik. Kami dak perlu banyumato. Karno banyumatotu dakdo nge nyangke. Kami nak bakso tau."

Laki binini nambah panik.

"Cakmano kalu kito metu samo-sa mo bae Yang," usul si laki. Takut nyo, biasola ngadepi uwong bany ak, tesenggol dikit, tongkat nyam pak. Aku jugo nyampak ..."

"Kami itung dari limo. Limo, empat, tigo, duwo, siiii .."

Lawang tebuka' ...

Laki binini la tegak depan lawang.

Salah sikok dari uwong banyak tadi, yang paling tuwola, bekaos dalem celano pendek, endeketi laki binini sambil senyum.

"Kami mintak bakso mamang en bibik,' katonyo sambil embungkuk ke badan ngenjuk hormat.

"Bakso ado, tapi lum masak Pak. Baru bae dibuat bahan-bahannyo," kato si buntel.

"Lamo kiyapola masaknya Mang?"

"Yo lumayanla. Kiro-kiro sejam duwo jamla."

"Dak biso dicepetke apo?"

"Dak biso. Dak lemak baksonyo gek."

Si tuwoni tadi ngatret dikit. Dio ne mui konco-konconyo tadi. Berun ding denget.

Dahtu ...

Balik lagi nemui si buntel.

"Makmano Pak. Galak kan nunggu?"

"Idak kayaknyo. Dak ketahanan lagi caknyo."

"Terus cakmano. Apo kami embek ke yang masih mentah bae?" Bini Buntel ngarep galak. Jadi aman bae. Dak sampe ribut.

"Idak galak jugo caknyo Mang, Bik."

"Jadi cakmano?"

Dijingok'inyo denget mulak'i dari sikil enggut palak Buntel samo bininyo.

Eheeem ...

"Boleh jugola," kato si tuwo ngomo ng dewek.

"Jadi makmano Pak?" Bini Buntel lenak berejo lari. Soalnyo, galo-galo mato uwong di depan rumahnyoni pado enjingok' dio samo lakinyo, sambil bebisik-bisik, ketawo pulo.

"Kamek galo-galoni pengen niyan makan badan kamu beduwoni."

Si tuwo noleh ke buri. Ngomandoi konco-konconyo masuk samo-sa mo ke jeru rumah, ngejer Buntel samo bininyo yang lari, besingit balik gerobok baju en celano.