Mang Kerio (40)

Mang Kerio (40)
Oleh Wak Amin






7. Episode : 'Embebaske Rajo Nulis'




NINGNOOONG ...

Bel bebunyi.

"Cubo jingok duken Ha. Siapo di luartu."

Cek Leha yang lum sempet duduk, mintak waktu tigo detik bae nak duduk sambil ngenjukke map berisi kertas ke Mang Kerio.

Dahtu tegak lagi.

"Siap Mang. Laksanakan!"

"Yo. Lambat-lambat bae kalu beja lan. Gek nyampak pulok."

"Siap Mang. Laksanakan!"

Siapo di luar?

Lawang dibuka' separo ..

"Pagi Mbak. Maaf mengganggu. Ba pak Kerio ada enggak ya?" Tanyo la nang dak katik rambut sambil em bungkukke badan, ngenjuk hormat.

"Ado. Masukla," kato Cek Leha. Nun tun si lanang tadi duduk di ruang tunggu.

Cek Leha ngadep Mang Kerio. Idak ngomong idak. Cuman bebisik bae. Apo bisikannyo?

"Ado loka' Mang. Siiip."

" Kongkonla masuk ..."

Mang Kerio nutup map kertas dari Cek Leha tadi. Dio senyum-senyum bae.

"Kalu bae besak cetuk'annyo oi iyo," ujinyo di jeru ati.

Bukan apo-apo. Aki lenak di genti. Oli jugo mak itu. Lum lagi mumpo ban samo nyuci mobil. Berapo duittu.

Pikirkela oleh awak lur ..

"Assalamualaikum .."

"Waalaikum salam."

Si tamu becepet marak'i Mang Ke rio, yang agak kaget nyingok ulah tamunyo kalini.

Agak beda ...

"Idak Mang. Aku nak nyium tangan bae. La tebiaso dari kecik dulu," ka to si tamu.

Dio baru duduk setelah Cek Leha ngongkon duduk.

Mang Kerio ngambek kopiyah putih yang tegantung balik lawang. Terus beganti baju koko.

"Mang?!"

"Nyesuaike bae Ha. Tenang bae aw ak. Buatkela tamu kitoni banyu ko pi ..."

Cek Leha ke belakang nyiapke ba nyu kopi, Mang Kerio besiyap nak ngomong.

Ngudut dulula supayo padek ...

"Siapo  namo kito Lur kalu boleh tau?"

"Robin Pak."

"Namo yang bagus," kato Mang Ke rio sambil narok rokok ke asbak plastik.

"Panggil aku Mang Kerio. Boleh diteray .."

"Mang Kerio ..."

"Padek."

Beceritola Robin. Seadonyo bae. Dio dikongkon bos tempatnyo be gawe ngajak Mang Kerio embebas ke anak buahnyo yang disekap oleh uwong dak dikenal.

Mang Kerio ngudut lagi. Dahtu na rokke rokok taditu di asbak.

"Terus apo tugas mamang, Pak Robin?"

"Enggawak balik budaktu," kato Ro bin. Ngomong sambil rai metu ke ringet keperi semangatnyo.

"Gampang kalu enggawak balik. Cu man mamang jadi penasaran, nga po sampe terjadi penyekapantu?"

"Biasola mamang, soal berita," uji Robin sambil ketawo dipaksoke.

"Jadi yang disekaptu gawenyo war tawan mak itu?"

"Padek sekali Mang."

Mang Kerio batuk-batuk. Cek Leha yang baru masuk embawak segelas banyu kopi langsung nawari Mang Kerio minum.

Yo namonyo anget kuku, pasti se depla diminum. Sampe abis pulo. Tapi alhamdulillah, batuknyo Mang Kerio ilang.

"Maaf yo Pak Robin. Banyu kopinyo tepakso kuminum."

"Dak apo-apo Mang." Padohal wak tu masuk kantor Mang Kerio tadi, mulutnyo Robin la kering.

"Mamang kalu batuk memang cak itu. Ilang dewek lantak neguk banyu kopi."