Mang Kerio (58)

Mang Kerio (58)
Oleh Wak Amin



10. Episode :  'Mimpi Jadi Koboy'

HIYAA ...

Klepak .. Klepak ...

Suara langkah kaki kuda berlari ken cang. Melewati jembatan kayu, ja lan setapak dan perbukitan.

Hiiik .. Hiiik ...

Kuda meringkik ..

"Sebelah kanan. Ayo kejar!" Kata Mang Harun mengomandoi dua anak buahnyo, Jefri samo Jeksen.

Siapo yang dikejertu Mang?

Tahanan lepas. Lemak kalu lanang. Ini betino ..

Ngemalu-maluke bae ...

Namo si betinotu Maimunah. Ma sih mudo, pacar bae lum ado.

Naaa, Mang Harun sebagai sherif di kota ini sempet keno sender, ' mada k'i mamang kalah samo betino.'

Lum sempat apo-apo. Denger ka bar Maimunah kabur, limo menit dahtu langsung naik kudo samo Jefri en Jeksen.

Mandi lum, apolagi ngopi. Cuman sempet ngerokok bae. Duwo tigo iseg langsung dibuang ...

Apo dak hebat ...

Ternyato, ngejer penjahat betinotu dak mudah. Ngapo dikatoke mak itu, buktinya la ampur enam jam ngejer Maimunah lum dapet-dapet jugo.

"Apo kito balik dulu bae Mang Harun?"

Usulan Jefri ditolak mentah-men tah ....

"Kito musti tangkep lagi Maimu nah. Kalu dio sampe' lepas, nak dilepakke kemano rai mamangni," kato Mang Harun.

"Tapi, kalu kamu beduwo nak balik dak apo-apo. Pacakla mamang de wek nangkepnyo ..."

Horeeee ...

Jefri samo Jeksen ngenjit-ngenjit kesenengan ...

Makmano dengan Maimunah?

Dio terus marak'i rumah kecik deket sawah. Ngendep-ngendep, dio nga rep biso nemuke apo bae yang pa cak dipajuh.

Ruponyo, la sampe' rumah yang dak tau pulo kemano wong punyo nyo, dak katik sikok pun yang biso dipajuh, kecuali angin.

"Wuuuh sedepnyo. Dingin," uji Mai munah di jeru ati.

Dio cak uwong teseler ...

Sempet tetiduk denget. Tebangun pas ado wong lewat, baru balik dari kalangan, jalan sikil.

Supayo dak ketauan, Maimunah be cepet ke buri rumah.

"Aman," katonyo lego.

Dio jingok uwong yang lewattu ado sepuluh. Ado lanang tuwo, budak kecik,  betino mudo, lanang mudo samo bayi yang digendong emak nyo sambil embawak tas plastik belanjoan.

"Caknyo katik yang serem. Aman kalu mak itu."

Tapi dak lamotu ...

Ado budak lanang marak'i rumah. Maimunah la siap. Kalu dio nye rang langsung ditangkis, peliteske,  kalu dak palak yo tangan.

Haaa ...

"Ngapoi dio?" Maimunah eran. Si lanang embukak celano panjang nyo.

Dahtu ..

Sempaknyo ..

"Waaaw.."

Si lanang noleh ...

"Suaro apotu?"

Ado yang beringgut-ringgut di sam ping rumah ...

"Han .. Han .."

"Hantuuuuu ..."

Ngacir dak jadi kencing ...