Mang Kerio (60)

Mang Kerio (60)
Oleh Wak Amin






HA .. ha .. ha .. ha ..

"Nak kemano kau gadis, dak katik jalan balik. Nak kemano adek ma nis,  kakak ganteng ngajak balik ..."

Lanang idung pesek bepantun. Dio dak kolu nak melok konconyo yang empat ikokni embonyokke badan Maimunah.

"Lemakla kawin samo aku bae," ka to si pesek nyengir lipas.

Ha ha ha ...

"Apo kato kau tadi?" Si ceking tesi nggung berat. Semestinyo Maimu nahtu jatah dio. Dio yang ngebo sini.

Dimano-mano bos yang diduluke. Betul dak lur?

"Jangan macem-macem kau. Ladi ngni gek ngentak ulu ati kau. Paham kau?"

"Paham King, eh Bos."

Plak ..

Keno tabok. Keperi kuatnyo tabo kantu tadi ampir tejungkel si pesek masuk jeru parit.

"Maaf Bos."

Si ceking ngatur nafas ...

"Yo sudah. Sekarang kito sikat betinotu ..."

"Siap Bos."

Ampir tepeleset, Maimunah nge lumpat ke kebon pisang ...

"Na itu dio betinonyo Bos," uji Keri ting, benafsu niyan nangkep Mai munah.

Dio nak mastike bae seberapo can tik Maimunah. Kalu dijingok dari jauh, eheem ... Bolehla.

Bodi aduhai ...

"Bepencar!" Perintah Sang Bos.

Ado jalan tanah. Dak bepikir pan jang lagi, Maimunah langsung belari.

Di burinyo, kiro-kiro selawi meterla, Ceking cs nutul dari belakang. Ce pet niyan belarinyo ...

Maimunah la kelesuan caknyo. Be larinyo dak kenceng lagi. Makin parak bae dio dengan kelompok Ceking.

Dio dak kenal lanang limo ikokni. Ngapola ngejer aku?

"Aku mesti besingit," kato Maimu nah jeru ati. Kalu idak abis galo badankuni dikupili.

Huuup ...

Dio besingit balik batang pisang. Takut ketauan dio manjat. Nong krong di pucuk pohon pisang.

Dak lamotu datangla lanang limo ikok taditu.

"Berenti duken oi," kato si Tahi La lat, ampir keabisan nafas karno be lari tadi.

Ceking ngiyoke.

"Tapi jangan lamo igo," katonyo sambil ngabisi siso rokok yang dio isep selamo belari tadi.

Dak jauh dari tempat Maimunah be singit, ado Mang Harun, lagi ngintai Ceking cs.

Ceking cs dak tau kalu lagi diintai samo Mang Harun. Sedangke Mai munah tau karno dio pucuk pohon pisang.

Dio ciren Mang Harun. Lanang inila yang nangkap dio kemarin karno ke tauan maling ayam samo bebek ja wo.

Dio mulak'i gelisah ...

Cakmano caronyo biso turun tapi dak ketauan lanang limo ikok yang lagi duduk besilo makan angin.