Mang Kerio (70)

Mang Kerio (70)
Oleh Wak Amin




"MUN ujiku kawinkela bae, Tuan Andreas," saran Cek Leha, ngajak besingit balik mobil takut ketauan Jeki en Jeni yang la berejo nak ba lik.

"Akutu galak bae. Soal kawin me ngawintu la biaso. Cuman makma no caronyotu. Seumur-umur aku lum pernah ngawinke tuyul."

Hik ... Hik .. Hik ..

Mang Kerio ketawo sambil nutup mulutnyo supayo dak kedengeran Jeki en Jeni.

"Pendek bacoannyotu Tuan And reas," uji Mang Kerio, "Syaratnyo cuman sikok."

"Apotu Mang?"

"Tuan mesti ngomong samo Jeki en Jeni," kato Mang Kerio. Nak ngu dut tapi dak jadi karno lupo bawak kosetan.

"Maksud Mang Kerio ngongkon dio kawin cak itu?"

"Bener Tuan. Tapi kuraso tuan taula maksudnyo. Pancing dio supayo galak metuke isi atinyo."

Cek Leha nengahi ...

"Kalu pecak payah Tuan, balik bae caronyo .."

"Maksudnyo Cek?"

"Tuan langsung tembak bae dengan caro penesan. Pasti tebuka' tuyul tu .."

Masih ragu Tuan Andreas. Cuman la paham apo maksud dari omon gan Mang Kerio samo Cek Leha.

"Tuan tenang bae. Kami beduwo siap bantu," kato Mang Kerio, " La wang kantor kami tebuka' selamo 12 jam, rumah 24 jam. Dak sempet datang, telepon bae."

Tuan Andreas ngeraso terharu.

"Terimo kasih banyak Mang Kerio, Cek Leha," uji Tuan Andreas, "Aku laju teringat sesuatu .."

Tibo-tibo Tuan Andreas nyingitke rainyo ...

"Tuan!"

Karno yang manggil namonyo Cek Leha, Tuan Andreas becepet negak ke rainyo.

"Teringet nak kawin lagi," kato Tuan Andreas senyum dikulum.

Hik hik hik ...

"Dengan siapo Tuan?" Tanyo Cek Leha sambil bebisik. Mang Kerio senyum bae endengernyo.

"Dengan kau, galak dak Cek?" Cek Leha tepundur beberapo senti dari Tuan Andreas ngepor, karno tekejut, ternyato diem-diem siempunyo tu yul sepasangni ngesir samo dio.

Sementarotu ...

"Kito balik Kak. Kagek Tuan And reas marah." Jeni ngeraso, lamo beduaan di tempat sepi dak ba gusla.

"Aku cakmano Dek?"

"Omongke bae samo Tuan, uwong sekarang lagi buntu galo. Kan be res. Madak'i Kak, cuman itu bae pening. Makmano kalu kito la ka win gek. Nambah pening."

Jeki ketawo bae.

"Mugo-mugo idak sampe mak itu Dek. Kakak janji. Kalu la kawin gek, kakak dak akan membuat pening adek. Biarla peningnyo ditanggung kakak dewek."

He he he ..

"Sudah Kak. Dak usah kito bahas lagi. Balik sekarang ..."

Jeni tegak di buri Jeki. Jeki eran ngapo Jeni cak itu.

"Gendongla Kak. Madak'i betino bejalan."

He he he ...