Mang Kerio (74)

Mang Kerio (74)
Oleh Wak Amin






MANG Jon ngamuk ...

Tiap uwong yang dio temui dipakso nyo ngenjuk tau dimano bininyo be singit. Uwong takut. Pado ngacir galo nyingok Mang Jon ngamuk sambil bawak pedang tajem.

"Cepet omongke dimano kau singit ke bini aku."

Ngeraso diancam, si lanang akhir nyo tekencing di celano ...

"Dak tau Mang Jon," uji bujang be rambut keritingni, pasrah bae waktu tangannyo dipitingke Mang Jon.

Untung dak patah ...

Plaaak ...

Aduuuh ...

Ado yang embabit, sakit karno keno palak, Mang Jon terumpak ngejer budak kecik embawak satang.

Si budak ruponyo lebih lihai dari Ma ng Jon. Bekali-kali dio embudike Mang Jon. Ecak-ecak nak belok kanan, taunyo belok kiri.

Bruuugh ...

Kesenggol kayu besak, Mang Jon nyampak. Pedang telepas, untung dak keno palak wong tuwo lagi nganyam tikar.

Marahnyo bukan main ...

Dio embek pedangnyo yang telepas taditu, dio tuncep-tuncepke di bata ng pohon sampe puas.

Dahtu dio inget kalu bininyo lum di ketemuke. Becepet dio balik ke tem pat taditu. Taunyo bujang rengkek taditu la dak katik lagi.

Ditanyonyo segalo uwong yang le wat. Rato-rato dak tau. Lucunyo, su dah ngomong dak tau langsung ngi ncit, nyelamatkan diri.

Mang Jon kepeningan dewek ..

Panas la agak bekurang dikit. La nak sore, tapi belum. Terus, karno kecapekan dak berenti ngamuk, Mang Jon tetiduk.

Dio dak ingat apo-apo lagi keperi nyenyaknyo. Pedang diembek uwo ng yang kebetulan lewat dio dak tau.

Dio baru tau pedangnyo ilang waktu bangun. Dicarinyo kemano-mano pedang 'saktinyotu', tapi tetep dak ketemu-ketemu jugo.

Aaaaach ...

Mang Jon enjerit seabis-abisnyo. Dio tendang batu, kaleng. Pokoknyo apo bae yang ado di deketnyo.

Dak lagi teraso sakit ...