Mang Kerio (79)

Mang Kerio (79)
Oleh Wak Amin



LIMO belas menit ngilang, Cek Le ha balik lagi nemui Mang Kerio sa mo Pak Erte yang meguk di bangku panjang warno putih.

Nyingok Cek Leha lesu, antaro be jalan dengan idak, Mang Kerio la nengguh pasti embawak kabar dak lemak.

"Maaf Mang. Yang namo Supriyat no dak katik. Yang ado Supriyono," uji Cek Leha. Pusing, dak tau nak kemano lagi nyari Mang Jon samo Pak Dukun.

"Bener dak ujiku Pak Erte. Pasti dak sedep ..."

Pak Erte ketawo ..

"Mang Kerio memang hebat," puji Pak Erte.

Cek Leha nambah pusing. Dak se dep, apo kaitannyo dengan Supri yatno yang lum tau di rumah sakit mano dio dirawat.

"Cek. Ado usul kau?"

"Lum Mang. Aku lagi pening," kato Cek Leha.

"Gampang obatnyotu Leha."

"Apo Pak Erte?"

"Telen bae bodrex, pasti ilang."

Ha ha he he ...

Di lain tempat ...

Di parak warung ...

Mang Jon bejalan tetatih-tatih. Dio sengajo pegi dari rumah sakit kar no dak galak nginep di sano.

Sempet diperikso. Ecak-ecak nak kencing, ngacir lewat jalan buri rumah sakit

Rai diperban, serbo putih. Bayang kela oleh kau Lur. Uwong bukannyo kesiyan, tapi takut dan ngeri. Ini uw ong apo pocong.

Dikatoke uwong, rai beperban galo. Dikatoke pocong, sikil masih ninjak tanah.

Pening mikirkenyo ...

Makmano dengan Pak Dukun?

Samo iyola ...

Bejalan cak gelandangan ...

Galo-galo uwong nyingok. Takut nak nulung. Apo iyo niyan Supri yatno, apo cuman mirip bae.

Kalu dijingok caro dio bejalan, iyola itu Pak Dukun. Dakke salah lagi. Ta pi nyelik pakaian dan keadaannyo yang mecem gelandangan, ragu jugo jadinyo.

Banyak uwong geleng-geleng pa lak.