Jok-jok Koda (5)

Jok-jok Koda (5)
Oleh Wak Amin




AWWW ...

Anjorit mangking. Cangkolang jak pangkalan pas ngaliyak Mang Ibnu, Mang Komis, Mang Daud rik Mang Iluy cakak ketek bintung.

Kadongiyan jak motor ketek, tiyan pakja bugancang ngalumpak. Icak-icak nyolom. Timbul tanggolom. Ng intik kintu mouli-mouli honjona kok lijung kaunyin.

Rupana makkung ...

"Mak salah liyak api niku Rus?" Ta nyadu Bedah, rikianna. Satongah mak parcaya.

"Bonor Dah. Mak salah lagi," cakdu Rus, yakin saratus porsin Mang Ib nu cs mandi mak bukawai.

Motor ketek akhirna bulabuh di pa ngkalan. Mang Sehu cakak jak ke tek.

"Maang .. Mang Sehuu!" Mang Se hu ngorah bupodok. Rus haga, mih Bedak rik sai barih rabai.

"Mak api-api. Payuda." Rus parcaya Mang Sehu layon jolma jahat.

"Rus!" Bedah ngotong pungudu Rus.

"Nyak yot," cakna.

"Nyak hoda," cak sai barih.

Waktu bupodok di motor ketek, Ma ng Ibnu cs bugintol di kabolah kiri. Kabolah kanan nimpil di darmaga kayu.

"Juksipa yoja Mang Komis," bisikdu Mang Iluy.

"Pacak mati kangisonan yoja," cak du Mang Daud. Nyolsol ngapi ya tu ruk mandi hanjona.

Sssst ...

"Dapok mak sikam cakak Mang?" Tanyadu Bedah. Ya kapingin. Kok uni mak cakak motor ketek.

Bedah hoda.

Sai barih apilagi.

"Dapok. Lajuda," cakdu Mang Sehu. Rogoh mona.

Nyambuk pungu Rus cs waktu ca kak motor ketek. Supayo mak ti yak. Ketek mak guyang.

Mojong di kursi tojang ...