Jok-jok Koda (6)

Jok-jok Koda (6)
Oleh Wak Amin




"MANG, ajak pai oo sikam bulima lapah-lapah. Sangarobok bagawoh," cakdu Bedah.

Layon Bedah bagawoh sai haga. Sai barih haga hoda. Apilagi Mala, Nina rik Romlah. Dang cawako. Ha njak nihan kintu diajak lapah.

"Jadi. Jolma di lambahan mak suya api?"

"Makwat Mang, asal dang uniga," cakdu Rus.

"Payu mun juksina."

Mak unisina mosin motor ketek dihurikko ...

Juksipa rik Mang Ibnu cs?

"Bukotong kuat-kuat," cawadu Ma ng Ibnu rik Mang Iluy. Pocak mak ongka daya lagi.

Ompai ngarasa kangisonan ...

"Tahanko pai. Nikuna bakas. Liyom mun katahuman tiyan dunggak ho pacak."

"Yu yu Mang. Kucuba pokokna yo Mang," cak Mang Iluy.

Mang Komis rik Mang Daud ga ca kak jak balakang. Mih urung bakdu motor ketek bubiluk ti kanan.

Buuur ...

Duuum ...

Juk dugan tiyak tiway ..

Bedah cs tikanjot kok tamtu.

"Sawara api jonaho Mang Sehu?" Tanyadu Rus. Ya rabai kintu hantu ayo sai bukatiyak.

"Mak mungkinda Rus. Juksipa ya cakak. Idan?"

"Iwak ngalumpak," cawadu Mang Sehu radu ngamariksa balakang ketek.

"Tinjuk juga Mang," cakdu Mala. Kin tu dapok pira harani ngapabolana.

Bonor mak nakan?