Mang Kerio (124)

Mang Kerio (124)
Oleh Wak Amin





KARNO dak galak bingung dewek, Sinta nemui emaknyo yang lagi nga wek pempek di dapur. Tekejut bu kan main waktu enjingok si anak gadis. Muko serbo putih karno di bedak', pake' kain putih samo kaos dalem. Dak be bera pulo.

"Ngapo awak cak pocongni Sinta. Apo kau ngesir ..?"

"Ai Mama ni. Madak'i nyamoke anak dengan pocong. Mama macem apotu?"

Merajuk dikit, mak itula kelakuan Sinta kalu diledeki emaknyo. Ka dang sampe nangis. Padohal mak sud si emak bagus. Sekadar na sehati bae. Lain idak.

"Maafke Mama yo Nak," kato Yuni ta, midemke api kompor, dak jadi enggoreng pempek.

"Kito ngomong sano bae yo Nak." Yunita ngajak Sinta ngobrol di teras samping dapur.

Ado bangku panjang, ayunan samo tanaman bonsai yang diapit jejeran bunga berwarna-warni.

"Na sekarang, ngomongla kalu kau nak ngomong," kato Yunita, setelah mencium lembut dan penuh kasih sayang kening Sinta.

Sinta ngatur nafas duken ...

Sang Mama menunggu dengan sa bar Sinta ngomong. Dio tau bener si anak dak boleh dipakso. Ibarat air sungai yang ngalir, biarkela ngalir dewek.

"Akutu bingung Ma." Dak biasonyo Sinta ngomong sambil nunduk.

"Bingung ngapo Nak. Apo yang di bingungke. Apo kau keabisan duit. Mama banyak duit. Nak berapo, omongke bae ..."

"Bukan soal duit Ma."

"Lalu soal apo?"

"Soal milih .."

"Milih apo?"

"Sssst jangan kuat igo Ma kalu ngo mong. Malu Sinta tau ..."

He he he ...

Yunita dak pacak nahan keta wonyo.

"Nak diem dak Mama, atau Sinta pegi .."

"Jangan nak. Oke, Mama dak keta wo lagi sekarang ..."

Sinta ngatur nafas lagi. Dahtu dio baru becerito soal Saiful, Ali samo Manaf.

Yunita serius endengerke. Dio tan yo sampe detil karno nak tau laki cakmano yang dikendak'i Sinta.

Jangan sampe dio gek salah pilih laki. Sebab, kalu salah pilih, wong tuwo temelok susah jugo.

Bener dak Lur ...?