Oleh Wak Amin
"ALHAMDULILLAH Kar kau kawin. Aku nyangko kau lupo ..."
Ha ha ha ...
"Idakla Yun. Cuman lum waktunyo bae. Sebab di jeru ati aku bejanji. Kalu la begawe aku nak kawin. Dak lamo aku begawe, aku kawin. Mak itu ceritonyo Yun."
"Makmano ceritonyo kau pacak dapet gadis dusuntu Kar. Soalnyo yang aku tau kau banyak stok be tino, temasuk aku. Bener dak?"
Ha ha ha ..
"Namonyo jugo jodoh Yun. Aku jugo dak nyangko dapet betino dusun."
"Bahagia kau Kar? Maksud aku, kau kawintu dak tepakso kan?"
He he he ...
"Idakla Yun."
Yunita neruske makan keripik pisa ng. Karno lemak, dak teraso la se tengah gelok abis.
"Memang yang namonyo jodoh dak biso ditebak yo Kar?"
"Iyo. Karno mungkin jodohtu bukan di tangan hansip, tapi di tangan Allah SWT."
He he he he ...
"Padohal Kar aku dulu ngesir samo awak .. Awak bae dak tau .."
He he he ...
"Aku jugo cak itu Yun."
"Jadi awak ngesir jugo samo aku , Kar?"
"Boleh bae kan?"
"Boleh dong Kar."
"Cuman karno banyak kawan aku yang ngesir kau jugo, aku tepakso mundur ..."
"Naa ... Itula salah kau Kar. Pado hal aku berhak memilih. Itu kan hak prerogatif aku ..."
"Aku tau itu Yun. Tapi kau tau de wekla lanang. Kapan dio ngendak ke sesuatu, apolagi betino, galak nekat. Dak mandang kawan, main terabas bae. Na itula yang aku dak galaktu Yun. Taula dewek kau siapo aku .."
"Yo jugo ye."
Mang Kerio ngambek segelok lagi kue camilan. Kalu taditu keripik pi sang, sekarang dodol raso duren. Dodol lembut pesegi empat kecik-kecik itu dibungkus jeru plastik.
Lemak nyingoknyo ...
Sedep ngunyahnyo ...
Tidak ada komentar:
Posting Komentar