Oleh Wak Amin
SUPAYO aman dan idak dijingok uwong, Cek Leha samo Sinta em bawaknyo ke bawah batang pohon besak.
Dikipas-kipaske pake' daun. Sinta sempet nak embuka' baju supayo emaknyo lemak dikipasi. Tapi dilarang Cek Leha.
"Lemak gino camer kau Sin," bisik Cek Leha, setengah penesanla.
"Lemak cakmano Kak?"
"Kau kan dak pakek beha?"
"Astsghfirullah. Iyo Kak. Kelupoan aku. Nak becepet taditu."
"Na apo jadinyo kalu kau bukak baju. Cubo Kakak nak endenger omongan kau .."
Hik hik hik ...
"Pasti yang nyendul itu jadi titik fokus .."
Pas ketawotula Yunita sadar dari pingsannyo. Sudah dienjuk minum baru dikongkon ngomong. Apo yang nyebabke dio sampe ping santu.
Apo kareno enjingok antu besak
serem. Atau ado ...
"Malu nak ngomongkenyo Nak sa mo kau," uji Yunita terus terang.
Haaa ..?
Cek Leha samo Sinta saling jingok. Mak itu jugo Hasan samo Mang Kerio.
"Omongke bae Te. Daripado dipen depke di jeru ati jadi penyakit gektu. Bener dak Mang?"
"Benerlatu. Cuman yo, segalonyo teserah samo Yunitala. Kalu aku dak apo-apo. Diomongke bagus, dak diomongke jugo bagus."
"Tapi kalu nurut Hasan, Te, omong ke bae lemaknyo. Jadi kito-kitoni biso tau apo masalah sebenernyo. Ini mun uji Hasan."
Yunita masih diem ...
Dah neguk banyu kopi, baru dio ngomong ...
"Tante seneng Nak Hasan kau nak sir anakku Sinta. Apolagi ngelamar nyo cepet. Tante ngerestuinyo. Cu man ini jadi beban jugo buat Tante."
Beban?
"Mama tepakso apo aku jadian samo Kak Hasan?" Tanyo Sinta eran campur masgul.
"Mama ..."
"Mama ngapo?"
"Kau dak marah kan kalu Mama omongke?"
"Idak Ma."
"Mama ... Mamatu sebenernyo pe ngen jugo dilamar samo bapaknyo Hasan, Nak."
"Mama!?
"Tante!?"
"Yun!?"
Tidak ada komentar:
Posting Komentar