Jok-jok Koda (12)

Jok-jok Koda (12)
Oleh Wak Amin




MALIIING ...

"Wat hut ngamaliiing. Tulung .. Tulu uung," joritdu Bedah. Mang Ibnu, ra du ngakuk pakaian dunggak garu buk, lumpak di wai.

Nyolom rik sai barih. Luwah jak wai. Wat darak, cakak tiyanja disan. Mak unisina kadongiyan hun nabuh kentongan.

Satiyuh luwah kaunyin. Jak masi gid, jak lambahan, jak motor bakdu ompai tungguk jak bugawe. Pokok na seru.

"Wat api Dah. Niku mak api-api kan?" Tanyadu Mala. Ratong rik Nina, Rus, dan Romlah.

Bedah mih maha mak busuwara.

"Bak api niku maha?" Romlah kahi ranan. Ya sai anjorit mangking, ti yuh gompar, ya mih maha.

Wat api?

Bedah nyuritako sabonorna. "Radu hun sumbahyang maghorib jona, wat bakas kuruk lambahan. Bintu ng. Nyak langsung anjorit maling .. maling. Bakas hanjona langsung lumpak ti wai .."

"Tunggu pai. Bintung?"

"Bonor Mala. Mak salah lagi," cakdu Bedah.

"Apiya sai lobon? Maksudku sai diaku' bakas ho?"

"Kawai kita halu di ketekdu Mang Sehu Rus."

"Bonor dugaanku," cakdu Rus.

"Bonor apiya?"

"Tiyan makkung luwah jak tiyuhsa. Eheeem ..."

"Jadi ..."

"Kita juk pacak Mang Kades. Ganta da. Kita curitako kajadian sabonor na Mala. Juksipa kira-kira?"

"Akurda yona," cakdu Mala.

"Kuti tolu?"

"Katuju ..."

"Ganta kita tilambahan Mang Kades. Kintu bagawoh ya lokok di lamba han. Mun mak ongka kita sopok pok barih," cakdu Rus.