Oleh Wak Amin
"TAU galo dio," uji Mustofa. Diiyoke Adam, Leman samo Sanusi.
"La jelas pulo. Mbak Pocong. Mang konyo kalu bosen idup jadi cak aku bae," simbat Mbak Pocong.
"Makmano caronyo Mbak Pocong?" Tanyo Leman, tetanyo dak sengajo.
"Mati dulu tauu ..."
Haaa?
"Mati duluuuuu ...?"
"Kagek biso idup lagi dak Mbak Po cong?" Sanusi serius betanyo.
"Iyola pulo. Cak Mbak inina. Kan idup lagi ..."
"Caro matinyo makmano Mbak?" Tanyo Mustofa.
"Teserah situ. Makmano caronyo. Nyabut dewek atau pake' alat."
Haaa?
"Nyabut deweeeeek ...?"
"Ngapo? Eran?"
Empat penculikni ngiyoke.
"Nak diteraike dak?"
"Jangan Mbak. Jangan," kato Mus tofa sambil nundukke palak. Duduk besimpuh depan Mbak Pocong.
Mak itu jugo Leman, Sanusi en Adam ...
Di balik batang ...
"Langsung sergap bae Mang," bisik Cek Leha, la dak kesabaran lagi. Pe ngen rasonyo dio mengotke rai Mbak Pocong.
"Sabar .."
Tibo-tibo Mbak Pocong ketawo li bar. Serem niyan ketawonyo.
"Pak detektif. Keluarla. Aku tau kau besingit."
Mang Kerio lum galak metu ..
"Dak usah malu-malu Pak Detektif. Aku tau kau nak nangkep uwong empat ikok ni kan?"
"Betul Mbak Pucet ..." Uji Cek Leha. Dio seneng, Mang Kerio masih bim bang.
"Kuitung sampe' tigo .. Satu .. Duwo .. Tiiii .."
"Yo, iyo. Kami metu Mbak Pucet."
"Mbak Pocong tau .."
"Yo Mbak Pocong."
Becepet Mang Kerio samo Cek Le ha metu dari balik batang besak besemak ...
Hi hi hi ...
"Bawakla budak empat ikokni Mang. Aku ikhlas," kato Mbak Pocong terus terang.
"Jangan. Tolong kami Mbak. Kami dak galak masuk penjaro. Dak le mak kato uwong .."
"Tahanke bae, lemak dak lemak. Dak lamo idak. Dak cayo, tanyola samo Pak Detektiftu .."
Mbak Poco ng besiyp nak pegi.
"Bener dak lamo Pak Detektif?" Ta nyo Mustofa, pecak nak nangis.
"Iyo. Paling beberapo taunla."
Haaaa .."
Nangisla ceritnyo bujang 'lapuk' empat ikokni ...
"Payu Mang Kerio. Aku pegi duken. Duit kubawak ..."
Mang Kerio samo Cek Leha cuman buso endadahi bae ..
Tidak ada komentar:
Posting Komentar