Mang Kerio (39)

Mang Kerio (39)
Oleh Wak Amin





SARAN Mang Kerio ...

"Mun ujiku lanjakkela bae, Buk .. sia po tadi, lupo aku namonyo," kato Mang Kerio sambil ngupil pempek kapal selem dak becuko.

"Jamilah Mang," kato Jamilah. Oleh Mang Kerio dipersilake nyicip sega lo pempek pucuk meja panjang bekaco item.

Mulak'i dari pempek kapal selem, pistel, ada'an, roket, mertabak, pem pek keriting, lenjer, dos sampe' pempek tunu segalo raso.

Apo dak ngelepek-ngelepek Pak Kades kito.

Kepedesan ...

"Saran aku kito gohet dulula pem pek pucuk mejani. Mumpung masih anget .."

Namonyo pempek, dak usah omong ke lagila. Perasaan lum sempet te gak la abis ...

"Lemak Mang. Baru kalinila aku makan pempek abis lapan ikok. Keriting duwo, ada'an duwo, kapal selem duwo, keriting jugo duwo. Biasonyo mun dak sikok, paling banyak duwo." Kato Pak Kades.

"Ngapo cak itu Pak Kades. Apo kar no dak lemak bae samo kami?" Ta nyo Cek Leha. La enem 'nelen' pem pek lum kenyang-kenyang.

"Bukan pekaro dak lemak Leha. Pempek yang kumakan sekarang kan iwak tulen. Sedangke yang ku makan tempat laintu tebuat dari sagu."

Oooooo ...

Pantesan ...

La nak teseler galo, Mang Kerio nge lanjutke omongannyo ...

"Naa .. Jadi balik ke omonganku tadi Jamilah ye, kalu memang laki kau kepengen nak main dengan anak kau, kuraso, aku yang lebih tuwo dari kau, silakela bae. Asak dak mecem-mecem. Makmano Pak Kades?"

"Akurlatu Mang," uji Pak Kades. Ma sih kepedesan, padohal la abis tigo gelas banyu kopi item.

"Tapi apo dak bepengaruh dengan Ali samo Topan Mang. Maksud aku, gektu, karno la kelema'an, lupo ma in samo yang namonyo manusio. Itu yang kutakutke Mang .."

"Awasi bae Milah. Kan laki kau datangtu awak tau kan?"

"Dienjuk tau anakku duwo ikoktu Pak Kades. Kalu daktu mano tau aku," uji Jamilah.

"Eeeem ... Mamang nak nanyo du ken. Kau dewek Milah, ngeraso se neng atau teganggu dak dengan almarhum laki kautu?"

"Antaro seneng samo teganggu Mang Kerio," kato Jamilah.

"Senengnyo makmano, tegang gu nyo makmano. Mamang pengen de nger langsung jawaban dari awak sekarang."

"Senengnyo yo pacak nyelik rai la kiku dan duwo ikok anakku betemu samo bapaknyo," kato Jamilah.

Cuman yo itula, uji Jamilah, idak nyato lagi. "Nak ngerewangi kon dangan dak pacak lagi. Dak teliyat."

Bederup ketawo galo. Cuman kuci ng yang ketawo. Enjingok Pak Ka des, Mang Kerio samo Cek Lega ke tawo, terumpak pegi dak tau kema no.

"Kau pengen kawin lagi dak Jami lah?" Tanyo Mang Kerio.

"Kalu sekarang lum Mang. Dak tau mun kagek .."

"Mun ado lanang sekarang nak ng endak'i kau, kau galak dak?"

Jamilah senyum bae ...

"Lanjakkela mun ujiku Bik," kato Cek Leha. Ketawo dengan mulut penuh pempek.

"Milah?"

"Yo Mang. Kalu memang serius niyan ngapo mesti ditolak?"

Ha ha ha ...

"Tapi Mang, kalu boleh tau siapola lanang yang nak ngendak'i Milahtu?"

"Adola," uji Mang Kerio sambil mi num banyu putih seteguk.

"Memang Mang Kerio ado stok apo?" Tanyo Cek Leha.

"Cak barang bae, stok menyetok."

Ha ha ha ...

"Milah galak bae Mang kalu me mang ado .."

"Na cak itu Milah. Sekarang mama ng enjuk taula siapo lanangtu. Dari pado penasaran lemakla sekarang kuenjuk tau."

Mang Kerio ngelirik Pak Kades. Pak Kades dak kelemak'an caknyo. Su payo dak belarut-larut, Mang Kerio nyekel tangan kanan Pak Kades, dideketkenyo ke telapak tangan Jamilah.

Duwo telapak tangan jadi sikok ..

"Iyo Jamilah. Dari dulu sebenernyo akutu naksir kau. Baru sekarang ti bo saatnyo. Ai lap you Jamilah."

He he he ...

Cek Leha ketawo.

"Retinyo apo Mang Kerio?"

"Tanyo bae langsung samo Bang Kades Jamilah ..."

Pak Kades narik nafas ..

"Aku cinta padamu, Jamilah .."

Jamilah tekejut ...