Mang Kerio (112)

Mang Kerio (112)
Oleh Wak Amin


"APO la pikir panjang Buk Asih? Gek nyesel cakman?"

"Idak kayaknyo. Aku la dak tahan lagi," uji Bu Asih, nundukke palak nyo sambil nangis.

"Kasiyan budak Buk. Katik bapak lagi gek."

"Biarla katik bapak daripado nahan hati. Cubola Nak Leha pikirke, apo lakiku dak kesiyan nyingok bininyo bejajo pempek keliling."

"Iyo jugoye," kato Cek Leha melok nangis.

"Kadang tepegel badanni Nak Leha, Mang Kerio."

Cakmanolaye bagusnyo?

"Mun uji mamang tunda dulu niyat Bu Asih nak ceretu."

"Idak Mang," kato Bu Asih. "Aku la mantep. Dak katik lagi insya Allah masih biso idup. Mintak tulung sa mo Tuhan bae supayo disehatke badan, dilancarke rezeki."

"Amin," kato Cek Leha. Dio masih ngarep Bu Asih samo Pak Jamil la kinyo dak jadi becerai.

Tapi kalu memang tejadi jugo, pi s ah baik-baik. Demi anak, tidak ada dendam dari kedua belah pihak.

"Mak ini bae Ha. Kagek mamang cubo ngomong samo laki kau .."

"Buat apo Mang?"

"Yo enjelaske kendaknyo Bu Asih. Duit gaji dienjukke. Idak royal, apo lagi sampe mabok-mabokan."

"Percuma Mang. Utak lakikutu la dak katik lagi. Kapan ditegur nak marah. Na, aku takut gektu mama ng digocohnyo. Itu bae."

"Tangkis Buk Asih. Mamang kan punyo tangan."

Cek Leha ketawo.

"Pokoknyo Bu Asih tenang bae," uji Mang Kerio, "Kito cubo duken, mano tau padek."

"Bacoke Mang," kato Cek Leha.

He he he he ..