Embedat (4)

Cerita Pilihan


Embedat (4)
Oleh Wak Amin




6
SORENYO, sebelum ke rumah de wek-dewek pakek becak, mampirla lanang empat ikokni ke rumah Mang Ridwan. Kebetulan mamang kitoni ado. Lagi enjemur opak, nak dijual besok.

Enjingok Mansur samo konco-kon conyo datang, girangla ati Mang Ridwan. Keperi girangnyo, ngong kon bininyo becepet metu.

Dak sempat ngelap tangan lagi yang bawuk opak, Mang Ridwan ngomong cak ini ...

"Kamu sumputke dimano budak yang embedattu. Kagek ilang .."

Ha ha ha ha ...

" Dak nyangko aku. Ruponyo ma mang kitoni pacak penesan pulo."
Kato Jul, nyicip dikit opak mentah.

"Lemak jugo. Cubola raso kalu dak cayo." Jul ngongkon Badu nyicip. Karno lemak, melok jugola Jakir samo Mansur nyicip.

Dak teraso abis empat ikok. Ma sing-masing lanang empatni abis sikok opak. Ditambah kopi yang baru ditarokke Bik Ridwan pucuk tikar deket jemuran opak.

Apo dak sip ...

"Makmano kamuk berempatni biso cepet mak itu nangkep wong yang embedattu. Jangan-jangan kamukni punyo ilmu ..."

Ha ha ha ha ..

"Ado-ado bae bibikni," uji Mansur. Setelah Bik Ridwan masuk jeru ru mah  nak enggoreng iwak lauk ma kan malem, ditariknyola tangan lakinyo.

Mak uji kitoni disepike ...

"Sebelumnyo kami berempatni mintak maaf niyan samo mamangtu," kato Mansur pecak nak metuke banyumato.

"Ngapo mintak maaftu. Kamuk berempatni dak punyo salah " uji Mang Riidwan sambil marak'i uwong tuwo lewat pakek sepeda bawak sayur dari ladang.

"Mak ini Mang. Kami dak telawan," kato Mansur.

"Dak telawan makmanotu?"

"Badan uwong yang embedattu besak-besak. Seterek galo .."

"Jadi kamu berempatni ngincit mak itu?"

"Ngincittu idak, Mang. Kami dak berani nangkapnyo bae. Kalu kami berempatni gek dibantingkenyo. Bengep galo badanni."

"Cakamanolaye. Soalnyo .." Mang Ridwan duduk besilo sambil ngirup banyu kopi.

"Soalnyo ngapola Mang?" Betanyo Jakir. Melok pulo ngirup banyu kopi item.

"Kamu jingokla dewek mamang kamuni. Kerempeng ..."

Ha ha ha ha ...

"Kamu bae takut, apolagi mamang kauni. Kurang igo." Mang Ridwan metuke banyu mato.

"La saro, keilangan pulo," ujinyo tesedu sedan.

Datangla becepet Bik Ridwan. Nye lik lakinyo nangis, dio melok nangis pulo.

"Payu Kak. La tuwo masih galak nangis, apo kato yang mudo .."

Hik hik hik ...

Nahan ketawo ...

"Walau kito saro, aku masih sayang samo kakak."

Ye ye ye ye ..

Hik hik hik ...

Giliran Badu yang nahan ketawo.

"Uwong lain boleh ngendak'i aku Kak. Tapi di hati aku, cuman kakak seorang ..."

Duileeee ...

Huk huk huk ...

Jul yang nahan ketawo.

"Apusla Kak banyu mato kakaktu. Dak katik gunonyo. Banyu mato abis, saro lagi ado.

Haaaa ...

Hik hik hik ...

Jakir nahan ketawo ...

" Kalu kakak ado masalah, omong ke bae terus terang. Mano tau bini kakakni pacak embantu ..

Siiiip ...

"Itu baru bini," puji Mansur. Ngeraso dipuji, Bik Ridwan langsung ketawo. Sedangke lakinyo enggaut-gaut kepalak bae ..


7
CEPET dikit Sur," kato Jakir. Bangso lambat, pacak ketauan. Soalnyo, wong mandi di sungitu dakke lamo igo.

Bener dak?

"Mano Jul?" Dari tadi dak kejingokan. Padahal taditu samo-samo masuk jeru rumah.

Ruponyo, Jul kitoni, entah karno kelaperan atau makmano, makan kerupuk. La abis duwo. Besak-besak kerupuknyo.

"Sori yo. Taula dewek, dari pagi cuman ngopi bae," kato Jul sambil nyekel tigo ikok kerupuk.

Langsung bae diembek Mansur, Jakir samo Badu.

"La sudah galo?"

"Sudah Bos. Tinggal kompresor kecikni bae yang lum. Aku dewek dak terangkat," kato Badu.

"Kalu mak itu, payu kito angkat samo-samo."

La temasuk galo jeru becak, baru becak bejalan. Cuman saronyo lanang empatni mesti jalan sikil.

Ngapo mak itu?

Lhooo ... Mano muat lagi. Gulola di becak, kompresor juga. Janganke nak duduk, nempel bae jeru becak dakke pacak lagi.

Jadi ...

Yo sudah. Lanang empatni tepakso endorong becak sampe ke rumah nyo Mang Ridwan.

Alangke senangnyo mamang kitoni. Manggil-manggil bininyo. Ngatoke isi warung sudah ketemu lagi.

"Aneh jugo," uji Mang Ridwan. "Lum ado yang bekurang. "Ngapo lum dijajokenyo ye ..."

"Nunggu la tenang Mang," simbat Mansur. "La berapo ari gektu, baru dijualkenyo. Kalu sekarang lumla. Karno takut ketauan polisi."

"Oooo .. Cak itu ruponyo. Uji mamang kauni dio dak galak ..."

"Ai Mang. Aponyo yang dak galak. Rokok, gulo. Sengajo dak diembek, dijualkenyo gektu barangnyo."

" Oooo ..."

"Yo sudah kalu mak itu ...Kamek nak pamit duken Mang yo." Mansur la makek selop nak ngayuh becak.

"Tunggu denget Dek. Dak apo-apo kalu barang-barangni ditarokke ke warung lagi?

" Tunggula beberapo ari lagi. Kito jingok reaksi yang embedattu. Kalu pecak embahayake Mang, aduke bae ke polisi." Saran Mansur.

"Okelah kalu mak itu. Na, ini sedikit duit dari mamang. Dikit, dak ba nyak. Kagek kalu mamang ado rejeki, mamang tambahi lagila.

" Ai dak usahla Mang," kato Jul, pecak nak belari.

"Mokasih Mang. Namonyo rejeki dak boleh ditolak. Mesti diembek. Banyak maupun dikit. Tul dak Mang?"

"Betul Dik Jakir. Mamang jugo kecewa kalu dak diembek. Mamang ikhlas. Inila yang adonyo. Kalu nak banyak, dak katik," uji Mang Ridwan

Berapo niyan enjuk'an Mang Ridwantu?

Tengah duwo. Recehan galo. Jadila kalu. Bagi empat. Pacak beli rokok samo bubur kacang ijo. Lebihnyo simpan untuk beli rokok besok-besoknyo.

Makmano dengan wong yang embedattu?

Karno lum tau, biaso bae. Balik dari sungi, lum langsung ke rumah. Ma sih mampir di warung parak sungi. Rokok. Dingin-dingin cak ini ngudut, apo dak sedep.

La deket megrib, baru ribut. Bini Mang Salim tibo-tibo mekik dak ado pasal. Nangis- nangis pecak budak kecik mintak bombon.

"Gudang Kak."

"Ngapo gudang?"

"Abis galo-galo."

Haaaa?

"Barangnyo?"

"Iyooo .. Dak tau siapo yang ngunjalnyo ..."

Mang Salim mulak'i marah. Dio panggil konco-konconyo. Ngapo barang di jeru gudang biso ilang. Siapo yang ngembeknyo. Kambing apo manusio?

Rato-rato waktu ditanyo, dak katik yang tau ...