Embedat (5)

Cerita Pilihan



Embedat (5)
Oleh Wak Amin



8
"CUBO kau tanyo Dul samo budak-budak lurung kitoni, mano tau ado yang nyingok ..."

"Payu Bos. Gampangla itu."

"Cepet yo."

"Siap Bos."

Pegila Abdul samo Hasyim ke rumah sebelah. Sikok-sikok ditanyoi. Uwong pado tekejutla. La nak megrib ditanyoi mecem-mecem. Kalu lokak lemak dakjadi apo. Ini lokak saro. Sisip dikit keno tutus.

Budak-budak yang ditanyoi pado takut geli akhirnyo. Lum sempat ditanyo, la sumputan. Ngacir galo. Apo dak nak marah Hasyim samo Abdul.

Saking marahnyo karno kesel, sampe embentak emak-emak yang giginyo la abis galo. Sugi tecampak, yang enjingok nak ketawo tapi takut.

"Enjingok dak awak Bik?" Segak Hasyim. Kalu dak dialangi Abdul, la ditariknyo sewet emak-emak beram but keriting, anak tigo tapi dak ne tek lagi.

"Di ... Dio ... Dio kalu. Kalu aku .. Kalu aku, idak tau niyan Dek," uji emak-emak tadi gemeteran.

"Ngakula. Kau tau kan Bik?" Segak Hasyim nanyo ke ibuk sebelahnyo.

"Enjingok becaknyo bae .."

"Becak?" Hasyim samo Abdul tetep dak cayo. Karno selamoni rasonyo dak ulah becak masuk lurungni.

"Uwong samo barangnyo Bik?" Be tanyola Abdul. Idak nyegak. Lam sem bae. Cak bujang ngomong samo calon mertuwo.

"Dak tau bibik kalu soal itu. Bibik cuman nyelik becaknyo bae. Tecu guk bawah batang pohon," kato betino idung mancung tinggi seme ter lebih tigo sentini nunjuk ke kanan, pohon seri yang buahnyo la abis dimakan budak.

"Terus ... Terus ..."

"Yo, bibik dak pulo curigala. Ngapo nak tau urusan wong. Na, dahtu bibik masuk jeru rumah lagi. Neruske masak ..."

"Dak ado tedenger-denger uwong ngunjal barang Bik?"

"Idak ..."

Abdul ngajak Hasyim nemui Mang Salim lagi. Jadila kalu. Walau uwo ngnyo dak tau, barang jugo dak tau, becaknyo ciren berdasarkan penga kuan betino taditu.

Macemtula. Mang Salim ngongkon Abdul samo Roni nyelidiki siapo pu nyo becaktu. Pastike niyan uwong nyo. Takut gek salah jingok.

"Paham dak?"

"Paham Bos," uji Roni sambil beri hormat. Mak itu juga dengan Abdul.

Hasyim kemano?

Palaknyo tibo-tibo pening. Ijin balik duken. Kalu la sehat, metu lagi gek tu.

Di rumah Mansyur ...

Malemni ado acara dikit. Lomba gaplek sekecikan. Cuman dimelok'i empat kelompok. Bukan uwong lain pulo. Konco-Konco Mansur tula.

Deket tengah dalu. Mampirla Abdul samo Roni karno teselik becak samping rumah.

Betanyola baik-baik, siapo yang punyo becak. Mansur juga enja wabnyo baik-baik pulo.

"Aku," katonyo.

"Kau kan yang ngembek barang di rumah kami?"Tanyo Abdul.

"Iyo. Ngapo?"

"Balikke ..."

"Itu barang boleh maling, ngapo nak dibalikke?"

"Kau nantang apo?" Segak Roni. La nyekel kerah baju Mansur. Terum pak wong betanding gaplek berenti. Samo-samo marak'i Abdul samo Roni.

Ngeper jugo uwong duwoni. Idak main-main. Sikok nyekel kayu, sikok lagi nyekel pepukul besi. Yang lain tali nilon. Entah darimano dapetnyo.

"Lajula kalu berani," tantang Man sur. Nyelik konco Mansur le nak enggebuk, Roni ngeri jugo.

Dilepaskenyo cekelan dari kerah baju Mansur. Mundur dio tigo langkah.

"Nak lari apo mati?" Tanyo Badu, enggerak-gerakke pepukul besi.


9
"LARI bae kito Ron," kato Abdul, begancang lari. Enjingok duwo anak buah Mang Salimni pado ngincit, Mansur cs ketawo ngakak.

"Cak keiyoan niyan. Dak taunyo pe nakut jugo," uji Jakir, ngelanjutke lagi ngegap.

Sampai mak ini lum tejingok siapo yang menang, siapo yang kalah. Se ru niyan pokoknyo. Beda-beda tipis la angkonyo.

Apo dak seru. Awak bayangkela. Kopi ado, ubi kayu rebus sepuluh panci. Jadi dakke lagi kelaperan.

Ngomong-ngomong, sampe di ru mah Mang Salim, Sang Bos rupo nyo lagi tiduk. Endenger Abdul sa mo Roni datang, tebangunla dio.

Hanjak bukan main ...

La tebayang rokok. Mulutla masem dari tadi. Dak salah ngembek se bungkus, diisep rame-rame samo banyu kopi.

"Lapar Bos," uji Roni gemeteran, depan lawang rumah. Abdul nun duk bae. Idak duduk. Tegak sambil nyuil-nyuilke jari tangannyo ke pot bunga.

"Mano dio barangnyo?"

"Maaf Bos, dak katik."

"Apo?"

Mato Mang Salim tibo-tibo merah melotot. Nak ditelennyo rasonyo ke palak Roni waktu ngomong dak katik.

"Malah kami ampir mati Bos," kato Abdul. Kalu bae Bos kesiyan.

"Ngapo?"

"Nak dikapak budak-budaktu."

"Niyan apo?"

"Niyanla Bos. Dakken ado kami bohong. Tanyola dewek kalu dak cayo."

"Kurang ajar."

Plak pak plak pak ...

Abdul keno tabok tigo kali. Roni idak. Karno langsung ngomong cak ini ..

"Maafke kami Bos."

Mang Salim masuk jeru rumah. Dio ngembek pistol burung. Dijingok kenyo denget samo Abdul, Roni jugo.

"Untuk apo Bos?"

"Untuk apo untuk apo. Nak nembak kepalak awaktu tau ..."

Pucet jugo rai Roni endenger omo ngan Bosnyo. Idak main-main lagi caknyo. Senapan angintu ditempel ke muncungnyo di jidat Roni, temasukla Abdul.

Ampir bae tekencing di celano. Kalu bangso banyak minum, pastila me tu galo-galo banyu kencingnyo.

Penesan boleh. Tapi jangan tepele wat. Sebab kalu sampe kelewatan biso mati. Klepek-klepek. Cuman gara-gara isi warung yang dak seberapo duitnyo.

"Sekarang melok aku. Gancang!"

"Kemano Bos?" Tanyo Roni, pecak uwong kebingungan.

"Jalan kaki, Bos?"

"Idak. Belarila. Pakek motor."

"Motornyo mano Bos?"

"Beres. Melok aku bae ..."

Mampir denget di rumah konconyo, Mang Salim minjem motor bebek. Betigo pakek notor. Lamsem bae jalannyo.

"Kau enjuk tau bae dimano tempat budaktu."

"Siap Bos." Uji Roni.

Mansur samo konco-konconyo dak tau kalu denget lagi Mang Salim samo duwo anak buahnyo bakal datang nak 'ngetes" senapan anginnyo.

Yang embonceng Roni. Sedangke Mang Salim ngicingi Mansur yang lagi embagike kartu gaplek.

Kecepek ...

Kecepek ...

Tooor ...

Motor langsung tancep gas pas waktu icingan Mang Salim keno palaknyo Mansur.

Bruuuk ...

Bruuuk ...

Nak ngejer dak tekejer lagi. Tapi Jakir sempat enjingok BG motor samo yang di pucuk motor. Wajar kalu dak kecirenan niyan.

Jakir embantu konco-konconyo eng gawak Mansur ke rumah sakit. Ba ru sampe tengah jalan, diola mati.

Uwong baru tau Mansur mati sete lah tim medis enggiling-enggilingke palak tando dak biso tetolong lagi.