Mang Kerio (65)

Mang Kerio (65)
Oleh Wak Amin

11. Episode : 'Tuyul Bule'

DI seberang lurung ...

Duwo ikok tuyul, lanang betino lum sepakat rumah mano yang duitnyo nak dipalingi malemni.

Tuyung lanang lebih seneng milih rumah besak. "Kalu rumahnyo be sak pasti banyak duitnyo," kato Jeki sambil ketawo makan kuwaci.

"Kalu aku pilih rumah kecik bae," uji tuyul betino, Jeni namonyo. "Dak payah metunyo Ki. Kalu rumah be sak kan nak kesano duken, kesini duken. Belok sini belok situ. Meng es jugo. Belum lagi kalu ketauan yang punyo rumah ..."

Dasar Jeki. Dio tetep milih rumah besak. Jeni mak itu jugo. Dio tetep pilih rumah kecik. Daripado ribut dak keruan aguk, duwo tuyulni akhir nyo sepakat berperasu dewek-dewek.

"Awak ke kanan Jeni, aku ke kiri," kato Jeki.

Pas jam satu malem, Jeni dan Jeki mulai beroperasi. Keduwonyo sepa kat ketemyan di tempat inila: ba wah batang pohon kayu besak.

Jeni duluan sampe ...

Dak payah dak. Pas masuk langsu ng ketemu kamar. Lawang dibuka'. Ado sorogan kecik. Dijerunyo ado plastik. Di jeru plastik ado setum puk duit kertas samo logam.

"Embek separo bae ai. Kesiyan. La payah dio nyeleng, kito embek pulo" uji Jeni jeru ati sambil nyelik budak lanang kecik duwo ikok tiduk ngo rok bepeluk'an.

Tiiing ..

Duit logam nyampak. Enggelinding pulo di lantai semen. Budak duwoni sempat tebangun denget. Karno ma sih tengah malem, tiduk lagi.

"Untung bae dak ketauan," uji Jeni, masih di jeru ati ngomongnyo.

Duit dapet, payah idak ...

Makmano dengan Jeki?

Lum dapet jugo. Bukan katik duit nyo. Ado .. Banyak malah. Betebek-tebek. Cuman yo itu tadi. Di jeru lemari besi. Yang kalu salah buka' tedenger cak suwaro belangwir.

Sempet menung ..

"Makmanola ye embuka'nyo. Saro niyan. Berenti bae ai jadi tuyul kalu mak itu," kato Jeki, nyesel dio milih rumah besak.

Cubola tadi nuruti apo kato Jeni, pasti dak payah cak ini. Mano la menges, lapar pulo.

Metu dari jeru kamar laki bini yang punyo rumah, Jeki masuk ke jeru ka mar paling buri. Naa, di kamar ini dak katik uwong.

Kosong ...

Bingung jugo Jeki. Ado kamar katik uwong. Buat apo embuat kamar ka lu dak ditidu'i.

Ado-ado bae manusioni. Ngabis-ngabiske duit bae. Cubo enjukke bae samo aku. Aman.

Ye dak lur?