Mang Kerio (86)

Mang Kerio (86)
Oleh Wak Amin





ADO budak nangis ...

"Mak. Aku lapar ..." Bangun dari tiduk, bukannyo nyawur, malah nangis.

Apo pasal?

Yo lapar. Rio tebangun karno te denger uwong banyak ngongkon sawur.

Pasla bangun, karno dak katik yang nak dipajuh, nangisla Rio. Emaknyo dak pacak apo-apo. Yo memang dak katik yang nak dipajuh.

Si emak la biaso puaso dak majuh apo-apo. Bangun denget, minum ba nyu segelas, beniyat puaso besok pagi, tiduk lagi.

"Mak. Rio lapar. Rio nak makan," uji Rio, turun dari tempat tiduk, marak'i emaknyo yang tiduk ayam.

Si emak tebangun ...

Tok .. Tok ... Tok ...

Lawang diketok ..

"Assalamualaikum .." Rame-rame rombongan betino ngucapke sa lam.

Ngarep lawang dibuka'ke ...

"Waalaikum salam warohmatullohi wabarokatuh," jawab Romlah, jando anak sikok, yang gawenyo enjajoke ubi silo bekeliling kampung.

Lawang dibuka' ...

Cek Leha langsung meluk, Romlah nerimo bae. Soalnyo yang meluk betino, bukan lanang.

"Bik Romlah. Terimola ini dari ka mi," uji Cek Leha.

Duwo kotak nasi iwak samo aedikit duit jeru amplop.

Bik Romlah ngucapke terimo kasih banyak.

"Cek Lehani pecak tau niyan kalu ..."

"Kalu ngapo Bik?"

Ehek hee ..

"Mak. Rio lapar ..."

Enjingok Rio nangis sambil nyebut 'lapar', segalo yang hadir tekejut. Bik Romlah dak lemak ati.

"Maafke bibik Ha," uji Bik Romlah. Nundukke palaknyo. Malu setengah mati.

Pak erte endeket ...

"Maafke saya Bik Romlah," kato Pak Erte. Tibo-tibo nyium tangan Bik Romlah.

"Pak Erte dak ..."

"Selaku Er Te seharusnyo aku dak boleh nyelik wargo yang aku pimpin sampe dak makan .."

"Tapi Pak Er Te ..."

"Maafke saya Bik Romlah."

Sikok-sikok nyiumi tangan Bik Rom lah. Mintak maaf karno sampe dak tau ado wargo yang idupnyo senin kemis.

Perut isi banyu galo, bukan nasi ya ng biaso dipajuh ...

"Saudara-saudara sekalian. Saya putuske kito nyawur di rumahnyo Bik Romlah. Setuju?"

"Setujuuuu ..."