May Weeee …
Oleh Wak Amin
Cerbung Musi Bebanyu (Bag 13)
“LEWAT mano duken, Yang? “Tanyo Mang Lebay tesenyum lego.
Lego karno lum pernah sekalipun pegi beduwo Mayang sambil enjajoke sayuran.
“Lewat kompleks dulu bae, Kak. Ngembek amannyo,” jawab
Mayang.
“Okeee .. kalu cak
itu. Lanjut …”
Reeeng … breem tin … tin … reennnng …
Eng ing eeeeeng …
Dua’an niyeee
Baru sampe gerbang kompleks, ibuk-ibuk langsung ngerumuni,
bukan nak beli sayur, tapi asyik mandangi Mayang samo Lebay.
“Apo mimpi akuni,” kato maknyo budak bebadan gemuk sambil
ngedip-ngedipke matonyo.
“Idak, Buk .. Idak mimpi idak. Ini aku Mayang . Na, yang ini
Kak Lebay … La ciren kan?” Mayang nawarke betok samo peti.
“Iyola pulo. Yang bejajo tahutu kan?”
Mang Lebay manggut bae. Ngiyoke.
“Calon apa, Yang?” Tanyo ibuk taditu, penasaran caknyo.
Ha ha ha ha …
“Bukanla, Buk. Kawan Mayang bejualan bae …”
“Ooooo .. cak itu. Ujiku calon wong rumah.”
“Tapi cocokla kayaknyo samo awak, Yang,” simbat betino
berambut gimbal.
“Ujiku jugo,” kato yang lain. Betino gemuk becelano levis koyak didengkul.
Lamo-lamo ampir sekompleks uwong ngerumuni Lebay en Mayang.
Selain embeli sayur samo iwak delek, jugo emborong sikok duo ikok potong daging
ayam samo bebek.
Macam-macamla komentarnyo. Ado yang ngatoke pasangan serasi,
cocok kalu belajuan. Jangan lamo igo gektu tumbuh kelembungan pucuk perut,
sabarla duken, ngumpulla duit banyak-banyak, la banyak sebukit baru pang bing pang
…
“Lambat-lambat bae dak jadi apo. Karno lum tuwo niyan. La
banyak modal tekumpul, undangla kamini. Insya Allah datang …” Kato bapak-bapak
bekain sarung, kaos dalam kejingokan kelek sambil ngudut rokok pucuk.
Payu gancangla …
Mati tetegak kalu lamo di sini …
Banyak komen …
Ari sudah siang gektu …
Dak usah nunggu siang, jualan Mayang la abis. Tinggal tomat
samo tahu. Yang tahu punyonyo Mang Lebay. Dak banyak dak, dikit. Asal jualan
bae.
Sambil ngitung duit, dahtu dimasukke ke jeru punjin ngelilit pinggang, Mayang
ngomong kalu mak ini terus pacak kayo gancang kito. Dak perlu lamo-lamo keliling
pakek motor, duo tigo kompleks dikelilingi, dah abis …
Mang Lebay jugo tepikir mak itu. Tapi dak lemak jugo kalu
dijingok uwong. Laki bukan, calon lum tentu, kan biso jadi omelan uwong. Negur
langsung pasti dak galak, di buri kito ceritonyo lain. Jangan-jangan sudah
kumpul kebo.
Astaghfirullah …
“Bagusnyo kawinla dulu kamu beduwotu. Baru samo-samo pakek
motor,” saran Buk Erte.
“Jadi uwong dak biso macam-macam lagi samo kamu beduwo…” Buk
Erte emborong abis tomat samo tahu.
Abis galo-galo …
Kemano lagi?
Sebelum balek ke rumah, Mayang ngajak Lebay jajan mie ayam.
Dak sempat sarapan taditu, jadi lapar. Bukan kebiasoan bejajan. Dak mahal igo
rego mienyo. Murah meriah. Selain mie, ado jugo kue macem lemper, laksan en
donat. Temasukla kopi , nak manis apo pait, tinggal omongke bae.
Waring mie ayam dak pulo rame niyan arini. Mungkin lum siang
igo. Cuman berempat bae. Mayang, Le bay, nah, yang duwo ikok lagi lanang galo
caknyo. Sikok tuwo lenak parak masuk liang kubur, sikoknyo lagi bujang
tanggung, ABG kato uwong jaman kini, nyebutnyo.
“Kito duduk dimanola, Yang, lemaknyo?”
“Ai Kakakni. Lemak galola yang namonyo duduktu …”
Ngitung meja denget.
“Makmano kalu sebelah situ bae …” Nunjuk ke buri warung
sebelah kanan.
“Sini baela, Kak.” Mayang ngajak duduk dekat wong tuwo
taditu.
“Di sini kan, “kato Mayang, “Ado kawan, Kak. Daripado di
situ. La gelap, sepi pulo. Gektu yang ngawani kito beduwo pasti antuuuu …”
Ha ha ha ha ..
Mano ado antu siang-siang mak ini, Mayang.
Kalu belis, yo mungkin.
Mayang ketawo, mungkin tekejut, sendok wak aji tesenggol
piring, kuwahnyo mercik ke rai, meleleh ke pucuk meja. Idak banyak, tapi basah
jugo meja warung.
“Maaf Wak yoooo!”
Namonyo uwong tuwo, selagi kito sopan, dio pasti ikhlas
memaafkan.
“Mbaaaak. Mie ayamnyo duwo, kopi manis sikok, banyu putih
anget jugo sikok.!”
“Kopinyo kentel item atau encer sedeng, dik Mayang?”
“Kak, ditanyonyo …” Nyawil Lebay yang lagi asyik mandangi
ABG tadi. Dak pacak-pacak metuke kelepit dari celano panjangnyo .
“Sedang baela, Mbak …”
Jangan lupo ngucap …
Sebelum makan, bismillahirrohmanirrohim ..
Alhamdulillah, sesudahnyo …
Biar berkat …
Sayup-sayup tedenger lagu Barat dari loudspeaker kecik yang
tegantung duwo ikok di tiang warung …
Lemak nian
endengerkenyo dulur-dulur.
Dak cayo?
Inila syairnyo …
“And now
the end is near, and so I face the final curtain, my friend, I’ll say it clear,
I’ll state my ca se of which I’m certain I’ve lived a life that’s full, I traveled each and ev’ry
high way and more, much more than this, I dit it my way …
Regrets,
I’ve had a few, but then again, too few to mention, I did what I had to do, I
saw it thru without exemption, I planned each chartered course, each careful
step a long the by way, but more, much more than this, I did it my way …
Yes there were times I’m sure
you knew when I bit off more than I could chew, but thru it all when there was
doubt, I ate it up, and spit it out, I faced it all, and I stood tall, and did
it my way …
I’ve
loved, I’ve laughed and cried, I’ve had my fill, my share of losing, and a
musing, to think I did aldl that, and may I say not in a shy way, ohn no, oh
no, not me, I did it my way …
For
what is a man, what has he got, it hot himself, then he has not to say the
things he truly feels and not the words,
of one who kneels, the record show I took the blows, and I did it my way ….”
-------------------------------
Ditutul Betino
Oleh Wak Amin
Cerbung Musi Bebanyu (14)
DASAR si Mamat, uwong datang baik-baik, dio ngilang entah ke
mano. Betemu bae sungkan nian. Kan dak bagus itu namonyo. Kalu pacak temuila,
denget dak jadi apo. Omongke bae apo yang ado. Kalu mi salnyo nak mintak
tulung, dak pacak niyan memang, dakdo dibuat-buat, yo katoke terus terang, dak
pacak. Maaf, kan beres.
Memangnyo yang ngejar si Mamat, siapo?
Ituna, cewek yang di alun-alun kemarintu. Dio la payah nyari
rumah si Mamat, nanyo sano sini, la sampe pintu pagar, terumpak ngilang lewat
pintu buri rumah.
“Makmanolaye. Dak katek uwong caknyotu …” Kato Ningsih samo
Yuli, konconyo sekolah sambil eng gaut-gaut palak.
“Kalu mak itu kito balik bae …” Jawab Yuli berutukan.
“Tanggungla Yul. Kito la payah …”
“Yo, nak diapoke. Kalu uwongnyo memang dak katek.”
Yuli nundukke palaknyo.
“Eeeeem … mak ini bae, Ning. Kito tanyo duken ke tetangg
sebelah, cakmanola menurut awak?”
“Tadi kan sudah. Katonyo ado … Pas dijingok dak ado … apo
lagi.”
“Taditu kan tetanggo sebelah kanan. Yang kiri lum kan?”
“Iyo jugo ye … Cubolah awak bae nanyonyo … ”
Minggirke motor parak pintu, lawang pagar. Yuli endatangi
rumah tetanggo Mamat becat biru tuwo, atep asbes. Sayangnyo pado nggiling palak
galo. Dak tau ke mano. Madaki niyan tetanggo dewek dak tau. Babi buto namonyo.
Kebetulan lewatla tukang iwak. Nawarke iwak samo Yuli. Yuli cuman
senyum bae. Bukan dak galak embeli iwak, tapi pengen nanyoke bujang ganteng
(pasi ge .. eeer si Mamatnyo) yang
namonyo si Mamat.
Ha ha ha ha …
“Ngapo ketawo Mang?” Tanyo Ningsih becepet maraki Yuli yang
lagi nyingok-nyingok iwak di sangkek besak.
“Tebudi kamuni retinyotu,” jawab tukang iwak.
Tabudi makmanotu Mang?” Ningsih keeranan.
“Taditu aku ketemu dio, si Mamattu pakek sepeda.”
Haaaaa …
Baru tau yaaa ..
Tukang pempek diotu …
“Kamu beduwoni siapo sebenarnyo. Nak ketemu dio ngapo. Nak
mesen pempek apo?”
“Memangnyo Om Mamattu …” Ningsih nambah eran. Mulaki pening
dio.
“Tukang pempek keliling …”
“Tukang pempek?” Serempak mulut Yuli en Ningsih tengangap.
Malu dijingo tukang iwak, ditutupi pakek tangan.
“Sudah yo. Mamang nak lanjut. Kalu nak ngejer nyo, kejer
bae. Lum jauh igo dio …”
Breeem … breeem .. ngeng
Reen … reen .. ngeng ..ngeng …
Tukang iwak la pegi, betino duwoni masih temangu deket got. Antaro
pecayo dak pecayo kalu Om Ma mattu tukang pempek keliling. Raso dak lemak nak
nyusulnyo. Cuman penting niyan samo uwong sikoktu.
Sudah … susul baela.
Daripado nyesel gektu …
“Kito meloki dio dari buri,” saran Yuli.
“Let’s go …”
Ruponyo si Mamat lagi ngeadeni lanang tuwo duwo ikok makan
pempek di bawah pohon nangko. Walau tuwo, la empat ikok pempek masuk perut. Lum
lagi cukonyo.Empat mangkok kecik lewat bae.
Dak jauh dari Mamat duduk dekat ban sepedanyo, tejingokla
oleh Yuli yang idak sengajo noleh ke kanan karno sebelah kiri dak katek
penjingokan. Selain warung, di sebelah kanan ado jugo betino duduk-duduk sambil
nampi beras dan numbuk padi untuk dijual di pasar geknyo.
“Stop Ning …!”
Ningsih emberentike motornyo. Yuli becepet mereke kunci
kontaknyo. Mesin mati. Itu motor dipinggirke parak warung manisan. Dahtu siswa
es emani ngendep-ngendep enjingoki Mamat
lagi duduk besandar di dinding pos jago, nunggu uwong tuwo makan pempek
taditu.
“Iyola dak uji kau, Ning. Itu Om Mama kan?” Nunjuk ke kiri.
Mato ningsih bebalen enjingok ke kiri. Sedengat micing,
sedengat idak. Sedengat micing, sedengat lagi idak. Maraki dari deket dak berani.
Bukannyo takut, tapi takut gektu ketauan.
“Maknaola, Ning? Apo langsung kito paraki bae Om Mamattu?”
Yuuli ngenjuk solusi. Pecaknyo Ningsih dak galak.
“Biarkela dulu ai …”
“Yo sudah kalu cak itu. Kito tunggu denget lagila disini
makmano kelanjutannyo.”
“Dio pegi kito meloki dari buri,” kato Ningsih mulaki tau
apo yang nak digaweke.
Kiro-kiro sepeluh menit, Wong tuwo taditu pegi ninggalke
Mamat yang embasuh wadah pempek en cuko dengan banyu putih di jeru ember.
Kriiiiing …
“Ning, dio pegi …!”
Yuli ngidupke mesin motor. Nutul si mamat ngayuh sepeda ke
jalan besak.
--------------------------
Pacakla …
Oleh Wak Amin
Cerbung Musi Bebanyu (Bag 15)
DARI jalan besak, Mamat berenti parak warung. Banyak budak
sekolah disitu. Nongkrong, penesan sam bil ngudut. Dak nanyo lagi, langsung
ngembek pempek sekali duwo di jeru kotak pempek.
Gudu cuko tigo ikok abis. Pempek sebiji, digigit empat kali,
ngirup cukonyo empat kali pulo. Apo dak anyut. Tapi dak apo-apo. Sebab,
pempeknyo jugo abis.
Senang niyan ati Mamat. Dio dak nyangko gancang niyan arini
pempeknyo abis. Biasonyo sampe malam masih ado yang tesiso sikok duwo.
“Sibu , duwo …” Mamat ngereken duit. Dipisah-pisahkenyo.
Yang buruk ke tempat yang buruk, yang
koyak samo koyak, dan yang masih anyar, kapan dicium wangi, samo anyar jugo.
La tesusun galo, cak buku betumpuk. Duit itu dimasukke ke
jeru kelepit. Tebal jadinyo kelepit si Mamat. Terangla pulo, duitnyo ribuan
galo. Untung bae dak katik recehan logam. Kalu sampe ado dak muat di kelepit
Mamat. Ngelembung jadinyo. Duduk makmano.
Tarok plastik?
Ai nambah gawe …
Kriiiiing … kriiiing …
Nyetor Mat?
Banyak caknyo duittu …
Punyo kito galo …
Mamat embelokke sepedanyo ke kanan, masuk lurung parak
warung. Dio nak nyetorke asil jualan pem pek dengan Wak Peng, toke pempek.
Banyak jugo yang ngembek pempek dengan Wak Peng ini.
Bukannyo Mamat bae. Sepantaran Mamat jugo ado. Yang dekat jalan sikil, yang
jauh dak pakek sepeda, yo pakek motorla. Bekeliling masuk kompleks, keluar lagi
ketemu lurung. Sepanjang ari. Dari pagi sampe malam.
Ado jugo mesen pempek untuk dibawak jadi oleh-oleh buat
sanak beruyut, yang deket dan jauh. Dikirim pakek kotak, ngirimnyo lewat jasa
pengiriman khusus pempek.
Jugo ado yang beli pempek bae. Pempek samo cuko masuk
kotak., dibawak balik. Aritu jugo atau besoknyo dibawak dewek mudik ke dusun,
kalu daktu ke luar kota.
Pas rame kalu ari rayo. Bekardus-kardus uwong mesen pempek.
Pokoknyo banjir duit niyan, temasukla Mamat kitoni. Kadangtu tako pempek Mamat
diembat. Mamat senang bae. Dak usah jualan, duit lang sung dapat. Tapi itula,
setaun sekali. Abis ari rayo abis pulo uwong mesen pampek bekardus-kardus.
Untung si Mamat, siso dari embekan samo toke pempek. Sikok
pempek, Mamat dapat untun tujuh ratus rupiah, dak lebih dak kurang. Isi kotak
pempek muat sampe seribu ikok pempek kecik. Kalu campur be sak, ratusanla. Nah,
bayangkela kalu abis.
Kalu idak?
Itung siso samo yang laku, itula perolehan Mamat. Cuman
lemaknyo dengan si Mamatni, dio lum ado anak bini. Jadi dak perlula dio nak
embeli macam-macam. Susu budak misalnya. Bayaran sekolah atau baju
lebaran. Atau beras duwo tigo kali. Beli
mie bae sikok, sudah …
Pantas kurus ma kayo lidi …
Isi perutnyo cuman mie …
Kriiiiing …
“Om Mamat?!”
Mamat tekejut dikit, dak banyak. Dio mati kutu kayaknyo.
Ketauan kalu dio tukang pempek keliling. Diadang Yuli samo Ningsih di pintu
pagar, nak balik dari nyetor duit.
“Nak Mamat … ini ponakan aku, Ningsih. Ini kawan
sekolahnyo,” kato Wak Peng, toke pempek, maraki Mamat yang salah tingkah.
Raso malu Mamat ilang dikit waktu Wak Peng becerito kalu si
Mamat dak olah milih gawean. Apo bae digawekenyo. Kadangtu embasuh piring,
ngepak pempek. Gawenyo niyan bekeliling pakek sepeda enja joke pempek. Uji Wak samo dio, ngepak pempek bae. Dio dak
galak. Katonyo nak nyari pengalaman ba nyak di luaran….” Wak Peng ketawo
ngekek.
“Yang Wak salut dari Mamatni, yo Ning, Yul, walau bujang dio
dak olah malu jualan pempek. Benar dak, Mat?”
“Be .. benar Wak.” Mamat gugup enjawabnyo, entah ngapo.
“Naa, Mat. Aku titip ponakanku samo kawan sekolahnyoni. Kalu
ado apo-apo, Wak minta tulung samo awak, bantula dio kalu kau memang pacak
embantunyo.”
“Iyo, Wak. Beresla itu,” jawab Mamat bekeringat dingin.
Ningsih samo Yuli puas endengarnyo. Pas niyan waktunyo, kato Ningsih di jeru ati,
mintak tulung Om Mamat ngelatih makmano caro bepuisi samo main drama dengan
baik.
“Makmanola, Yul?”
“Apo biso dio …?”
“Gek kito tanyo samo dio.” Ningsih dak sungkan lagi nyekel
tangan Mamat waktu nak pamitan balik samo Wak Peng.
“Pacak dak, Om?” Rengek Ningsih cak budak kecik mintak
bombon karet.
“Pacak apo? Bebalik si Mamat yang nanyo.
“Gektu kami nak pentas drama samo puisi di sekolah. Na, kami
nak latihan, makmanola kalu samo Ok Om bae latihannyo. Pacak kan yo?”
Mamat nyungak dikit.
Dahtu tesenyum libar …
“Pacakla …”
Dak tau kalu Mamattu wong ebat
Betino deket langsung tepikat
Nak balik taunyo ngajak minggat …
Ha ha ha ha ….
-----------------------------
Minggu Pertamo …
Oleh Wak Amin
Cerbung Musi Bebanyu (Bag 16)
LATIHAN drama dan puisi disepakati pada ari minggu di
rumahnyo Ningsih. Yang ngelatih Mamat dan Lebay. Sedangke yang dilatih, selain
Ningsih, jugo Yuli samo Olis.
Arini, dari pagi enggut sore, khusus latihan di lapangan.
Berangkatla wong belimoni pakek motor , duo boncengan sikok dewekan.
Ke mano?
Ke tempat biaso mangkal wong gilo.
Di mano?
Di rumah sakit jiwola, Lurrr …
Idak ke sano idak. Wong limoni berenti dekat pengkolan.
Tempatnyo sepi. Di sini, ini kato uwong-uwong, banyak niyan wong gilo. Dak
lanang dak betino. Dak kecik dak besak. Kelayapan gawenyo. Kadang pakek celano
bae, bebaju tapi dak becelano. Kadangtu idak pakek sekalian, duwo-duwonyo.
Temasukla ‘lupo’ becelano dalam alias kolor.
Makannyo?
Yo tegantung belas kasian wongla, terutamo yang punyo warung
en rumah makan. Kadang dapat, ka dang idak. Kadang dienjuk wong, kadangtu
ditoleh wong lagi idak. Kalu idak dapat, yo ngais-ngais tong sampah. Becarianla
kalu bae ado nasi siso. Kalu ado, entah basi, entah baru dibuang wong, dak
katik pulo urusannyo. Embat bae. Badok sampe abis …
Yang payahnyo, kalu dio telanjang bulat, bugil kato
uwong-uwongtu. Naa … dio kan dak katik malu. Te balik. Kito yang ado malu.
Ngapo? Karno dio dak tau, telanjang apo idak. Boleh apo idak kalu telanjang di
jalan. Jalani terus bae. Bejalan dak katik ujung pangkalnyo. Capek, duduk pucuk
got, atau di depan toko.
Apo dak kedinginan?
Idak pulo. Padohal malamnyo diotu tiduk di emperan toko.
Ketemu koran bekas atau apo bae, dio pakek untuk alas tiduknyo. Kalu dak katik,
tidukla pucuk semen. La kotor, dingin pulo.
Apo dak digigit nyamuk?
Na, itula dio masalahnyo. Ngapo dikatoke masalah, karno
sampe mak ini ari sehat-sehat bae wongtu. Idak sakit. Tiduk la dak bebaju,
jalan ke mano-mano jugo mak itu. Awak tau la dewek kan makmano angin malam di
luar rumah.
Makmano niyan pecaknyo?
Kencang niyan. Apolagi kalu nak turun ujan. La lebat, petir
pulo. Lampu mati, anjing bae yang bekeliaran sano-sini.
Terus nak diapoke wong gilotu”
Jadi sumber inspirasi. Sumber penghayatan. Karakter dan
wataknyo kito pelajari. Itula yang nak dilatih dengan budak tigo ikokni.
Maksudnyo cak ini. Ningsih kan meranke emak budak yang yang ngalami ganguan
jiwo minggat dari rumah. Na, dio belajar dari apo yang kito jingoktu. Kalu
enjingok idak, makmano nak berasil apa yang bakal kito peranke.
Benar dak?
Benarla itu, Luur …
Nah, yang nak diperhatike Ningsih adalah makmano niyan gawe
wong gilotu. Ekspresi wajahnyo makma no, jalannyo makmano, duduknyo makmano.
Galo-galonyo harus dimakmanoke. Dio ketawo dewek mak mano. Senyum dewek
makmano, enjerit-jerit makmano. Jadi yang kito embek dan peranke gektu yang ado
kaitannyo dengan peran Ningsih sebagai betino gilo.
Apo biso?
Harus biso. Dak katik yang dak biso di dunioni kalu kita
galak dan nawaitu kito baik. Nah, budak-budakni kan nak mentas untuk menghibur
undangan yang hadir gektu. Kalu pementasannyo bagus, uwong yang nonton puas.
Kito dapat pahalo, honornyo cengkila besak kito terimo. Kalu asal jadi, dak
pacak aku em bayangkenyo. Pacak dibabit uwng banyak. Benjol galo-galo …
“Jadi Ning, Yuli dan Olis, harus ado penjiwaan dan
penghayatan yang dalam,” kato Mang Lebay.
“Sekarang kamu betigotu deketila betinotu … “ Kongkon
Mamat, samo Lebay ngiring budak tigotu dari buri karno takut gektu diamuki
betino gilo taditu.
Pacak matek ya bos?
Dak pulo. Paling malu bae dijingok uwong lain. Dak level
kan. Ngeladeni uwong gilo.
“Galak dak Buk?” Ningisih nawarke roti samo sebotol banyu
putih.
Dak nolak en ngomong lagi, itu roti en banyu putih diembek,
dimakan abis tako banyunyo. Dahtu ketawo ngakak. Apo yang ditanyo Ningsih, dak
nyambung.
Ngeliat dak katik perkembangan, Ningsih, Yuli dan Olis agak
mundur dikit. Takut gektu ngamuk. Pacak pe cah palakni ditutusnyo pakek batu
got. Ruponyo idak. Alhamdulillah. Segalo yang diliyat, dicatati. Dak nyatat, yo
ingetke bae …
Kesimpulannyo, kato Ningsih, uwong gilotu idup di dunionyo
dewek. Dak katik aturan, kemano bae laju. Ibarat kalu kito makan, dak ngarungi lagi wong di buri kito. Nak lapar,
laparla. Yang penting perut aku kenyang …
Hi hi hi …
“Pergi kalian dari sini … gancaaang!” Tibo-tibo betino
gilotu tadi ngusir Yuli samo duwo konconyo.
“Kito beteduh di sano bae.”
Mang Lebay ngajak istirahat denget di depan ruko betingkat
limo. Kebetulan dak lagi bukak, jadi pacak ngomong sambil ngakak, kalu boleh.
Ha ha … hi hi …
Sambil bejalan, si betino gilotu ketawo dewekan sambil
ngepas-ngepaske sewetnyo pecak ado yang eng gigit pahanyo. Sempat enjngok
denget kea rah Ningsih, lepastu bejalan lagi masuk lurung. Ngilang dak tau ke
mano …
Jadi ….?
“Ini baru permualaan bae,” kato Mamat ngeraso yakin Ningsihi
pacak dan apal luar kepalak meranke wong gilo …
“Gektu,” uji Lebay, “Kito tambah dengan nonton filem uwong
gilo niyan samo bintang filem yang meranke uwong gilo. Galak dak kiro-kiro …?
“Galaaaak.”
-------------------------
Tidak ada komentar:
Posting Komentar