Goh-Gohda (5)

Novel ...


Goh-Gohda (5)
Oleh Wak Amin


8
"ASSALAMUALAIKUM .."

"Waalaikum salam," jawabdu Mang Yahya, Mang Latif, Mang Nasir rik Mang Kafi. Ompaida nginum teh rik pik impik sagu usungan Mang Yahya jak lambahan.

"Ai ai pocaknana ... Gangahabisi," guraudu Mang Rolan. Turuk mojong. Nginum teh rik nganik pik impik.

"Mak bangik rasanana hatiku ja," cawadu Mang Rolan sambil ngahirup cuko.

" Bak apiya Mang?"

"Mak ngusung api-api ..."

Ha ha ha ha ...

"Mih juk kamona mamangja kok mak bangikda. Apilagi sai barih," cakdu Mang Yahya. Lokok ngikik.

"Tuwon cak Mang Yahya ho Mang Rolan. Kita bulimaja juk kolpah. Mustina mak ongka lagi sai rasa mak bangik ho. Wat juki. Mak ongka yu radu. Mak api-api," jolas Mang Kafi.

"Dang nihan mih gara-gara kaniyan laju liyom tungguk dunggak langik.
Mak holau ooo mun juksapona" cakdu Mang Nasir.

"Pokokna Mang Rolan. Api sai wat kanik. Bonor mak mamang-mamang?"

"Bonorda yona Mang Latif," nyimbatda Mang Nasir. "Dang nihan ngaraso mak bangik. Ter singgung sikam pakja Mang Rolan .."

Ha ha ha ha ...

Mak haga komentar lagi, Mang Ro lan ngakuk pik impik sai lagi. Radu sina nuangko wai teh mamis jak patikon.

"Na juksapona. Sija ompai kolpah," cakdu Mang Latif.

Ha ha ha ha ...

Radu nginum, bucuritada Mang La tif rik Mang Rolan. Saunisa amba ngun lambahan wat hoda tihaluan sai aneh-aneh.

"Wat hun ambabit, mihya mak karu han sapa sai ambabit. Radu sina anggantungko punti podok panaku. Bola taka tandanna. Mak pacak sapa sai ngakukna," torang Mang Yahya.

Mang Rolan rokob.

"Amun cakku hantu, Mang Rolan," cawadu Mang Kafi. "Hun mak ong ka sai bugurau. Jawoh ga singgah- singgah di lambahansa."

"Amun cak Mang Rolan, apida kira-kira?" Tanyadu Mang Nasir, kilu pan dapat. Kintu bagawoh kuruk di akalsa.

"Nyak hoda bingung. Layonda mak parcaya. Kintu sina hantu. Ambuk tikonana sai payah. Satuju mak kuti rik umungankuja?"

"Satuju Mang," jawabdu mamang pakja sarontak.

"Eheeem ... Nah, ompai nyak pacak
..."

"Api sai pacakho Mang Rolan?" Tanyadu Mang Yahya.

"Mun mak salah, cak kawanku tinggal di tiyuh kabolah, taburko garom."

Hua ha ha ha ...

"Pabuhungan yona Mang," cakdu Mang Latif.

"Ambudiko yona Mang." Nyimbat munih Mang Yahya.

"Mak ulah-ulah yona Mang. Api adok. Mak kambih. Mak kuruk di akalsa," cawadu Mang Nasir, maha jakjona.

Ha ha ha ha ..

"Cuba dapai mun cakku. Mak pa dek radu. Cuba sai barih. Tuwon mak kira-kira?"

"Amunya nyuba, padek  Mang. Mih ya, api hubunganna yo Mang antara siyabuku rik hantu?" Mang Latif om pai gantada andongi hun ngusir hantu rik siyabuku.

"Halokna si hantu mak biaso ngom bow siyabuku," guraudu Mang Nasir.

Ha ha ha ha ...

"Mamangja. Wat-wat bagawoh," cakdu Mang Yahya. Maha sambil ngating tanihi. Juk hun ga tikahising.

Kabotulan, Oceng rik Aseng ando ngi umungan tiyan limaja. Partamo serius. Karuwa sonyum. Katolu maha ngikik.

Kok tamtu, mahadu tiyan ruwaja, ngahanjotko mamang kitaja. Lang sung togak. Luwah jak lambahan makkung jadi.

"Takut juga mereka Seng," cakdu Oceng. Lokok maha mihya mak ngikik lagi juk saijona.

"Ngomong-ngomong, kenapa ya Ceng mereka takut sama kita?"

"Enggak tahu juga aku Seng, kenapa. Cuma mereka tadi kan sebut-sebut siyabuku buat ngusir kita. Kamu tahu apa itu siyabuku Seng?"

"Kalau tak salah garam Ceng, artinya ..."

"Apa betul kita akan terusir nantinya oleh garam itu?"

"Enggak tahulah Ceng. Kita tengok saja nanti ..."


9
"KABOLAH san, Mang Yahya." Cakdu Mang Latif.

"Dija ...?!"

"Layon Mang. Podok rawang."

"Dija?!"

"Cutik lagi ..."

"Dija?"

"Bonor yona Mang ..."

Giliran Mang Nasir ngalopakko siyabuku. Diakukna sabokom
Disobu-sobuna sangarobok.

"Api yona Mang. Pocak ngahoji," cakdu Mang Kafi.

"Biasoda," jawabdu Mang Latif. Gaya jolma hibat.

Ha ha ha ha ...

Mang Nasir buhodak di kamar karuwa. Mak cawa lagi, ditabur kona kaunyin siyabuku hanjona.

Ha ha ha ha ...

"Padok yona Mang Nasir," cakdu Mang Yahya.

"Mariya cangkolang karabaian," ja wabdu Mang Nasir, maha ticung gigih.

Radu Mang Nasir, giliran Mang Kafi. Mang Kafi di kamar katolu. Ya mo jong. Wat sai dibacakona.

Puuuih ..

Puuuuih ..

Puuuih ..

Ya minjak. Togak sangarobok. Ya bupodok di kabolah kanan. Ditabu rina cutik siyabuku hanjona. Radu sina kabolah kiri. Dopan, kiri kanan.

Rokob sangarobok ...

"Radu," cakna rik Mang Yahya, Mang Latif, Mang Kafi.

Ha ha ha ha ...

"Padokdayona Mang," cakdu Mang Yahya.  "Makya wat salah lagi. Hibaaat ..."

"Tihuri, mamang kita. Mang Latif." Sawarana Mang Yahya pingsan sija mantop nihan kadongianna. Juk jolma ngamanggil pasien antri buubat di rumah sakik.

"Payu mun juksina," cak Mang Latif. Bakdu katolu-tolu kamar radu di ju ki siyabuku, Mang Latif mikir sa ngarobok. Radu sina ya maha posai.

"Podok sada," cawana di lom hati.

Ya ngorah Mang Yahya, Mang Kafi rik Mang Nasir, dang bugorak.

Ga ngapi?

Rupana, siyabuku hanjona ditabur kona podok mamang tolusa. Ti kiri, kanan. Ulang-uloh tolu kali.

"Alhamdulillah." Mang Latif ber syukur. Naburko siyabuku radu. Mak ongka halangan api-api.

Juksipa komentar Oceng rik Oseng?

"Nantang kito uwong empatni yo Seng?"

"Mecem begitulah kira-kira," jawab du Oseng. Lokok mikir apida sai mosti dilakuko mariya mak mempan tabur siyabukusa.

"Seng?"

"Sangarobok pai."

Guk ... Guk ... Guk ...

Heeeergh ...

Heeeergh ...

Guk ... Guk .. Guk ..

Heeergh ...

"Seng kita dekati anjing itu." Ajakdu Oseng. Oceng ngayuko bagawoh. Ya makkung pacak api sai ga diga weko rikiannaja.

"Kita masuk ..."

"Ke dalam Seng?"

"Namanya juga masuk Ceng. Pasti ke dalam. Mau kan?"

"Maulah ..."

Radu tiyan ruwaja kuruk lom badan asu hanjona, si asu mak lagi nya lak. Buubah panurut, sahinggo  ma mang paksa mak lagi rabai.

"Bak apida yo?" Tanyadu Mang Yahya. Jak bongis buubah rokob. Sambil nganik sai tihalu di tanoh.

"Iyu yo. Bak apidayo?" Mang Yahya mih maha. "Halokna bak siyabuku hanjona ..."

Ha ha ha ha ...

Si anjing bupodok. Radu sina mo jong. Ngaliyak mamang pakja mula'i anggaweko kamar.


Tobe continued