Mang Kerio (121)

Mang Kerio (121)
Oleh Wak Amin


DI kantor Mang Kerio ..

Sepi-sepi bae pagi jelang siangni. Karno, baik Mang Kerio maupun Cek Leha, sibuk dengan kegiatan nyo masing-masing.

Cek Leha misalnyo. La sejamanni duduk ngadep komputer. Merikso surat-surat yang keluar masuk. Rai tegang, dak sempet senyum.

Sedangke Mang Kerio sibuk nerimo telepon dari koleganyo. Kadang ke tawo kadang serius. Kadang tinggi kadang rendah nada suwaronyo.

Pas bel bebunyi, lum ado yang be ringgut. Kesel jugo Tante Nina. La tigo kali ngebel dak dibuka'-buka'. Pas bel kesembilan lawang baru dibuka'.

"Maaf Bu. La lamo nunggu?" Tanyo Cek Leha, nyilake Maria samo em aknyo masuk.

"Lamo sih idak Mbak," kato Maria. Biaso bae ..

"Silakan duduk Buk, Dik. Aku ke da lem dulu ..."

Waktu Cek Leha masuk, Mang Ke rio masih ngomong. Supayo dak kelamoan nunggu, Cek Leha ma rak'i meja Bosnyo.

Dicampakkenyo tutup cangkir yang tebuat dari steinles. Pas niyan nya mpak depan Mang Kerio.

Triiing .. Tiiing ...

Mang Kerio tekejut ..

"Ngapo tutup cangkirtu Ha?"

"Tesenggol bae Mang, karno aku becepet nak ngenjuk tau mamang, ado tamu penting di luar."

"Siapo Ha?"

"Duwo ikok betino cantik."

Haaa ..?

"Yang bener Ha?"

"Mamang jingokla dewek kalu dak cayo .."

Penasaran, telepon dimatike dulu, becepet metu dari ruang kerjonyo samo-samo Cek Leha.

Pas la betemu, Mang Kerio langsu ng salaman, ngenalke dirinyo, dahtu duduk manis parak Cek Leha.

"Mak ini Mang. Akuni kesini emba wak anak betinoku ..."

"Untuk .."

"Dioni dibuntingi calon lakinyo. Ma salahnyoni Mang bukan bunting nyo. Karno yo namonyo betino, su dah kodratnyo bunting. Tapi calon lakinyoni Mang .."

"Dak galak tanggung jawab?"

"Pas niyan Mang."

"Bener cak itu Maria?"

"Kurang lebihla Mang," uji Maria. Nyesel caknyo perut besak. Can tiknyo bekurang dikit.

"Kau cinto samo calon laki kautu dak?"

Maria diem ..

"Maria!"

"Cakmanolaye Mang. Aku la bunti ng. Jadi dak pacak dak yo cintola."

"Apo iyo niyan calon laki kautu dak galak betanggung jawab?"

Maria tesenyum ..

"Say, ngapo senyum-senyumtu. Dak baik. Mang Keriotu nanyo bener-be ner .."

"Sebenarnyo bukan dak galak beta nggung jawab calon lakikutu Mang. Tapi ..."

Maria dak lemak ati nak ngomong kenyo.

"Tapi ngapo say? Yang teges kalu ngomongtu. Dak usah plintat plintuttu."

"Uji calon lakikutu, uji coba bae."

Haaa ..

Uji coba?

"Kalu ternyato bunting dio galak ngawini. Sebaliknyo, kalu idak bu nting retinyotu aku mandul dan da kke punyo anak. Buat apo kawin kalu dak punyo anak ..."

Ooooo ...

Cak itu pulo budak jaman now.