Mang Kerio (115)

Mang Kerio (115)
Oleh Wak Amin



DIUSIR dari rumah oleh bininyo, Pak Marwan ngadu ke Mang Kerio. Su payo mamang samo cek kitoni pe cayo, laki Maryamni bebaju tam pelan, beselop jepit tebalik, dan rambut kusuk.

Cuman sayang dio lupo sikok. Apo tu? Dompetnyo tebel, retinyo ba nyak duit.

"Katonyo saro bapakni. Tapi dom petnye tebel. Kalu mak itu bapakni embudike kami beduwo," kato Cek Leha sambil ngudek banyu putih pake'gulo pucuk meja.

"Inini buksn duit aku Buk, Mang," kato Pak Marwan. Dak ditawak'i langsung bae neguk banyu putih manis yang diudek Cek Leha ta ditu.

Pak Marwan enjerit, Cek Leha keta wo ngakak ...

"Seharusnyo bapak cicipi dikit dulu," kato Mang Kerio, "apo panas apo idak. Kalu panas kan dikit bae dulu bapak minumnya."

Pak Marwan dak kelemak'an. Dio mintak maaf ...

"Yo sudah. Sekarang cubo jelaske tujuan Pak Marwan sebenarnyo ke sini?"

"Akutu Mang diusir binike."

Haaa?

"Madak'i. Biasonyo yang laki ngusir bininyo. Ye dak Mang."

"Bener Pak Marwan. Apo pasal bapak keno usirtu?"

Beceritola Pak Marwan. Dibuat-bu atkela cerito kalu bininyo galak marah, anak melawan. Nyenyes dan mintak duit terus.

"Aku jugo pernah ditaboknyo Mang," kato Pak Marwan sambil nunjukke rai sedih cak nak nangis.

"Tapi Pak, kalu bener bapak dita bok, dak ado bekasnyo. Benjol apo cak itu."

"La diobati Mang."

"Memangnya kapan Pak Marwan keno tabok bininyo?"

"Lum lamo igo Mang."

Mang Kerio noleh ke Cek Leha. Nge njuk isyarat kalu nak ngomong ngo mongla.

"Jadi maksud Pak Marwan nak ma kmano. Maksud Leha, apo nak di bawak kesini bininyo, apo mak mano. Kami siap bae embantu bapak ..."

"Jangan, jangan Buk. Jangan kong kon ke sini binikutu."

"Ngapo memamgnyo Pak Marwan?"

"Aku dak galak ribut. Payah biniku tu. Apo-apo bae nak menang tula."

"Oke," kato Mang Kerio, "kalu cak itu kendak bapak cakmano?"

"Tulung makmano caronyo supayo aku pacak balik lagi Mang. Itu bae."

"Yo mudah sebenernyo Pak Mar wan. Syaratnyo cuman sikok ..."

"Apo Mang. Nak panjar dulu. Bera po. Dak usah sungkan-sungkan Ma ng. Omongkela. Mamang ngomong aku bayar ..."

"Terimo kasih. Bukan itu syarat ya ng aku maksud Pak Marwan."

Pak Marwan masukke lagi dom pet nyo ke jeru kantong buri celano.

"Pak Marwan melok kami beduwo. Yuk kito samo-samo nemui bini bapak di rumah."