Mang Kerio (99)

Mang Kerio (99)
Oleh Wak Amin







PAS bangun, nasi dateng. Apo dak mantep Lur ...

"Tapi Pak Ramlan. Rokoknyo dak katik," uji Cek Leha, ngelepakke piring berisi nasi bungkus.

"Dak apo-apo Nak Betino. Nasini bae la cukup untuk bapak," kato Pak Ramlan.

Embuka' nasi bungkus. Masih an get, diirup cak uwong ngirup asep sate yang dijajoke di pinggir jalan.

"Maaf Nak yo. Bapak langsung makan."

"Yo lajula Pak. Aku jugo nak makan," uji Cek Leha.

Dio bawak nasi bungkus pesenan Mang Kerio ke ruang kerjonyo. Atas saran si mamang, mereka gabung makan samo Pak Ramlan.

Ngambek berkahnyo ...

Sambil makan beceritola Pak Ram lan kalu dio dak tau jalan balik. Ja nganke jalan, kelir rumahnyo bae dio lupo.

"Makmano biso cak itutu Pak Ram lan?" Tanyo Mang Kerio sambil nyu cup banyu putih lewat plastik.

Cak es batu, tapi dakdo dingin dak.

"Bapak jugo dak tau Nak Lanang," kato Pak Ramlan sambil ngelipat lagi bungkusan nasi pake'karet kar no la abis.

"Anak bini tau dak Pak?"

"Taula. Soalnyo la semalem ma mang dak balik."

He he he ...

"Maksud Leha Pak Ramlan. Waktu bapak metu dari rumah tau dak anak bini bapak?"

"Kuraso tau," uji Pak Ramlan. Ngi rup dikit-dikit banyu anget putih wadah plastik.

"Salahnyo bapak dak ngomong lagi nak kemano ..."

"Memangnyo bapak kemano?"

"Secaro dak sengajo," kato Pak Ram lan, "Ado opelet berenti. Naikke pe numpang sikok. Melok naikla ba pak ..."


Ooo' ooo ...

"Terus .. Terus Pak."

"Bejalanla opelet."

"Terus .. Terus Pak."

"Na disitulah salahnyo bapak Nak Lanang Nak Betino." Pak Ramlan enggaut-gaut palak.

"Salah ngapo Pak?"

"Ngapo bapak melok turun waktu betinotu turun. Cubo kalu mantep bae pasti dak mak ini bapak. Bener dak Nak Lanang Nak Betino?"

"Bener Pak," uji Cek Leha. Nyuci tangan pake' banyu kobokan.

"Na, terus .. Bapak nyusul betinotu dak?"

"Kalah cepet. Waktu noleh ke ka nan, betino taditu katik lagi."

Ooo cak itu ...

"Ngapo bapak biso kalah cepettu. Penasaran aku Pak Ramlan," kato Cek Leha, ngelap tangan pake' tis sue kering.

"Bapak keno marah sopir."

Haaa ...

"Ngapo Paaaak?"

"Ditagih ongkos, bapak lupo bawak duwit ..."

Ooooooo ...