Mang Kerio (91)

Mang Kerio (91)
Oleh Wak Amin



"NGAPO Mang Kerio?"

"Lagi begentol sekarang dio. Ati-ati," pesan Mang Kerio.

Nyelik dari kaco spion, Nona Elen dak nyingok apo-apo.

Bayangan bae dak katik ...

"Nak naik, tapi dak pacak-pacak Mbak."

Cek Leha nyaranke lepaske bae ..

Caronyo?

"Zig-zug ke bae Non," saran Mang Kerio.

"Oke."

Dak katik pilihan lain caknyo. Nge but dikit, zig-zug dikit, terus ngerem mendadak ..

Syiiiiiit ...

Guaar ...

Si lanang tepental. Masuk jeru got. Item galo pakaian.

Malu bukan main.

Mecem-mecem reaksi wong. Ado yang kesiyan, ado jugo nganggep si lanang stres berat, sakit jiwo. Ma lah ado yang nyukurke.

"Dasar katik gawe," uji betino cindo, nyupir mobil sedan bekaos oblong dan sepan pendek.

Pas depan warung pecel lele ...

Duluan berenti mobil Nona Elen. Disusul mobil Mang Kerio. Cek Leha becepet marak'i.

Bantu embuka' pintu mobil.

"Mbak Elen!" Cek Leha ngenjukke tisue.

Jadila untuk ngelap rai Nona Elen yang bekeringet ...