Mang Kerio (95)

Mang Kerio (95)
Oleh Wak Amin





SI lanang terumpak tegak ...

"Ei gek kucupakke kau."

"Cupakkela kalu berani," kato Nona Elen, dak galak kalah gertak.

Samo-samo ngepalke tinju ..

"Sebentar. Kito tunggu duken. Am un cakla belajuan baru kito metu," kato Mang Kerio. Nenangke Cek Leha.

Dak usah gancang igo metu.

"Bangso kau lanang la tepental kau," uji si lanang sambil enjelit. Maksudnyo supayo yang dijeliti takut dan ngeper.

"Kakak jugo. Bangso kakakni beti no .. Eee .. La ditelen bumi."

Husyaaa ...

Dak tahan lagi, si lanang mundur se tengah meter ke belakang sambil masang jurus ngangkat sikok sikil ke pucuk.

"Maju kalu berani .."

"Dak galak."

"Maju .."

"Dak galak."

"Maju .."

Dikongkon maju terus, Nona Elen becepet ngembek batu koral, tanpa sepengetahuan si lanang, batu itu dibabitke ...

Plaaak ...

Padek. Keno persis burungnyo si lanang. Ngaing, cak kucing keno gebuk karno ketauan maling iwak delek.

Ngenjit ... ngenjit kesakitan. Mega ng burungnyo sambil enjerit .. "Ad ow. Ilang burung aku. Dak pacak balik lagi. Dak biso kawin aku."


He he he ...

Cek Leha ketawo. Disusul Mang Kerio ...

Nona Elen kesiyan. Nak nulung si lanang maksudnyo ...

"Dak usah Non. Biarkela ..."

"Biar jero. Jangan main-main samo betino," kato Cek Leha. Bukannyo kesiyan, justru dio kepengen nak nyepak rudal si lanang, sekali bae.

"Jangan Ha. Kito liyat bae perkem bangannyo. Ini saran dari mamang, bener dak Non Elen?"

"Benerlatu Mang."

Ternyato si lanang taditu malu de wek. Tanpa hana hini lagi langsung pegi, entah ngilang kemano.

Wong yang telanjur nak nyelik dari parak seberapo parah 'rudal ajaib' itu bengkak atau luko keno babit Nona Elen embubarke diri.

Ngoceh sambil ketawo ngakak.